मुंबई : शिवसेना नेते खासदार संजय राऊत (Sanjay Raut) यांच्या अलिबाग आणि दादर येथील संपत्तीवर ईडीने कारवाई केली आहे. या कारवाईबाबत बोलताना शिवसेनेचे जेष्ठ नेते तथा नगरविकास मंत्री एकनाथ शिंदे (Eknath Shinde) यांनी ही कारवाई दुर्दैवी असल्याचं म्हंटल आहे. पत्रकारांशी बोलताना ते म्हणाले, 'असं घडंल असेल तर हा दुर्देवी प्रकार आहे. यापुर्वी देखील मी सांगितलं आहे, जे दोषी असतील त्यांच्यावर कारवाई ठीक आहे.

मात्र, राजकीय सूड भावनेन आणि आकसापोटी कारवाई करण्यात आली असेल तर या केंद्रीय यंत्रणाचा वापर लोकशाहीसाठी घातक आहे असही शिंदे यांनी म्हंटलं आहे. तसंच संजय राऊत यांनी 'असत्यमेव जयते' म्हटंल आहे याबाबत पत्रकारांनी विचारलं असता ते म्हणाले असतील तर ठिक आहे ना असंही एकनाथ शिंदे म्हणाले.

हे देखील पहा -

या कारवाईमुळे राज्य सरकारला अडचणीत आणण्यासाठी ही कारवाई केल्याचं वक्तव्य सरकारमधील नेते करत आहेत तसंच ही कारवाई सुडबुद्धीने केली असल्याचंही गृहराज्यमंत्र्यांनी म्हंटलं आहे.

कोणती संपत्ती केली जप्त -

पत्राचाळ पुनर्विकास प्रकल्प प्रकरणात ED ने PMLA अंतर्गत संजय राऊतांची 11 कोटी रुपयांची मालमत्ता तात्पुरती जप्त केली आहे. यामध्ये प्रवीण राऊत यांच्या पालघर येथील जमिनीसह वर्षा राऊत यांचा दादर येथील फ्लॅट, वर्षा राऊत आणि स्वप्ना पाटकर यांच्या अलिबाग येथील भूखंडांचा समावेश आहे.

Edited By - Jagdish Patil