नगरपालिका आणि नगरपंचायतीच्या निवडणूकांसाठी मतदानाची तारिख जवळ आलीये. उमेदवारांची फोडाफोडी करून झाली आणि नेत्यांनी सत्ता मिळवण्यासाठी मतदारांना पैशाची प्रलोभनं दाखवायला सुरुवात केलीये. आणि तेही जाहिर सभेतून. भाजप आणि राष्ट्रवादीनंतर आता शिंदेसेनेच्या मंत्र्यांनीही पैशांची भाषा सुरू केलीय....पाणीपुरवठा मंत्री गुलाबराव पाटलांनी थेट लश्मीदर्शनाची भाषा केलीय...एवढंच नव्हे तर शिंदेंकडे असलेल्या नगविकास खात्यात किती माल आहे हेदेखील मतदारांना जाहिररित्या सांगितंलय.

गुलाबराव पाटलांच्या या वक्तव्यावर बच्चू कडूंनी जोरदार प्रहार केलाय...मंत्र्यांना पैशांची मस्ती आल्याची टीका त्यांनी केलीय. तर उपमुख्यमंत्री शिंदेंनी सारवा सारव केली. विचारधारा सोडून सत्तेसाठी अनैसर्गिक युती आघाड्या, नंतर उमेदवारांची पळवापळवी त्यानंतर निधीची धमकी हे सर्व राज्यानं या निवडणुकीत पाहिलं...आता मतदारांना साद घालण्यासाठी थेट आता जाहिररित्या पैशांचं आमिष दाखवलं जातंय....त्यामुळे अशा बेलगाम नेत्यांची मस्ती निवडणूक आयोग जिरवणार की जनता याकडे लक्ष लागलंय.