Ladki Bahin Yojana Saam tv
महाराष्ट्र

Ladki Bahini Yojana : लाडकी बहीण योजना निवडणुकीनंतर सुरु राहील का? महायुती सरकारमधील मंत्र्यांनी केलं मोठं वक्तव्य

Aditi tatkare on ladki bahin yojana : महायुती सरकारमधील मंत्री आदिती तटकरे यांनी मोठं भाष्य केलं आहे. लाडकी बहीण योजना अविरतपणे सुरु राहील असल्याचं त्यांनी भाष्य केलं आहे.

Vishal Gangurde

सचिन कदम, साम टीव्ही प्रतिनिधी

रायगड : मुख्यमंत्री माझी लाडकी बहीण योजनेचा पहिला हप्ता लाभार्थी महिलांच्या खात्यात आला आहे. पहिला हप्ता खात्यात जमा झाल्याने महिलांमध्ये आनंदाचं वातावरण आहे. त्यामुळे महिलांसाठी सुरु केलेली ही योजना पुढेही सुरु राहील का, यावर महायुती सरकारमधील मंत्री आदिती तटकरे यांनी मोठं भाष्य केलं आहे. ही योजना अविरतपणे आणि यशस्‍वीपणे राबवण्‍याचा प्रयत्‍न केला जाईल, अशी ग्वाही मंत्री आदिती तटकरे यांनी दिली आहे.

आगामी विधानसभा निवडणूक नोव्हेंबर महिन्यात होण्याची शक्यता व्यक्त करण्यात येत आहे. यामुळे नोव्हेंबर महिन्यात महायुती सरकारची मोठी परीक्षा असणार आहे. या निवडणुकीआधी महायुती सरकारने महिलांसाठी लाडकी बहीण योजना सुरु केली आहे. या योजनेचा पहिला हप्ता काल काही महिलांना मिळाला आहे. योजनेचा पहिला हप्ता मिळाल्यानंतर महिलांमध्ये आनंदाचं वातावरण पाहायला मिळत आहे.

आदिती तटकरे म्हणाल्या, 'मुख्‍यमंत्री माझी लाडकी बहीण योजनेच्‍या लाभ वाटपाला कालपासून सुरूवात झाली आहे. महिला बालविकास खात्‍याची मंत्री म्‍हणून राज्‍यातील भगिनींना या योजनेचा लाभ देण्‍याची संधी मिळाली आहे. त्‍याबद्दल मी स्‍वतःला भाग्‍यवान समजते'.

'३० लाखाहून अधिक बहिणींना याचा लाभ आतापर्यंत देण्‍यात आला आहे. अनेक माता भगिनींनी फोन करून, सोशल मीडियावरून आनंद व्‍यक्‍त केला आहे. महायुती सरकारच्‍या माध्‍यमातून सुरू केलेली ही योजना अविरतपणे आणि यशस्‍वीपणे राबवण्‍याचा प्रयत्‍न केला जाईल, अशी ग्वाही मंत्री आदिती तटकरे यांनी दिली आहे.

दरम्यान, रायगड जिल्‍ह्यात स्वातंत्र्यदिन मोठ्या उत्‍साहात साजरा झाला. रायगडमधील मुख्‍य ध्‍वजारोहण सोहळा अलिबाग येथील पोलीस परेड मैदानावर पार पडला. या सोहळ्याला महिला बालविकास मंत्री आदिती तटकरे यांनी हजेरी लावली. त्यांच्याच हस्‍ते सोहळ्यात ध्‍वजारोहण करण्‍यात आले. यावेळी शासकीय अधिकारी नागरिक उपस्थित होते. विविध क्षेत्रात उल्‍लेखनीय कामगिरी करणारे अधिकारी, व्‍यक्‍ती, संस्‍था यांचा यावेळी विशेष गौरव करण्‍यात आला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Bihar Politics: राजकीय वर्तुळात शांतता असताना बिहारमध्ये मोठी घडामोड; माजी सीएमच्या मुलानं थोपटले दंड

Crime : मैत्रिणीला भेटून घरी जात होती, नराधमांनी कारमध्ये ओढलं; १६ वर्षीय मुलीवर धावत्या कारमध्ये लैंगिक अत्याचार

Mahashtra Politics : महायुतीत नाराजीनाट्य; माधुरी मिसाळांच्या बैठकीवर शिरसाटांची नाराजी, नेमकं काय घडलं? VIDEO

Ladki Bahin Yojana : लाडकीच्या पैशांवर भावांचा डल्ला, 14 हजार भावांनी लाटले तब्बल 21 कोटी

Maharashtra Politics : धनंजय मुंडे पुन्हा मंत्रीपदी? अजित पवारांनी दिले संकेत, नेमकं काय म्हणाले? VIDEO

SCROLL FOR NEXT