म्हाडाच्या लॉटरीत आता आमदार- खासदारांची चंगळ पाहायला मिळणार आहे. कारण राज्यातील आमदार, खासदारांसाठी राखीव असलेल्या म्हाडाच्या घराची किंमत फक्त साडेनऊ लाख रुपये आहे. म्हाडाच्या कोकण मंडळानं 5 हजारांहून अधिक घरांची लॉटरी जाहीर केलीय. त्यात नियमानुसार वेगवगेळ्या राखीव गटांप्रमाणेच आमदार, खासदारांसाठी अत्यल्प उत्पन्न गटातील 95 घरं राखीव ठेवण्यात आलीयेत. म्हाडाची ही जाहीरात प्रसिद्ध केल्यानंतर आमदारांसठी कोणताही वेगळा नियम नाही, अशी प्रतिक्रिया गृह राज्य मंत्री पंकज भोयर यांनी दिलीय. तर म्हाडा लॉटरीत आमदार उच्च उत्पन्न गटात असल्याचं अतुल भातखळकरांनी सांगितलयं.

आमदार-खासदारासाठी कुठे आहेत राखीव घरे ?

ठिकाण - उत्पन्न गट किंमत (लाखांत) घरांची संख्या

कल्याण -अत्यल्प - 9.55 ते 11.32 - 1

टिटवाळा - अल्प - 17.18 ते 30.56 - 1

नवी मुंबई - अत्यल्प - 8.59 -2

कल्याण - अत्यल्प - 19.60 ते 19.95 - 1

विरार- अत्यल्प - 13.29 - 1

ठाणे - अल्प - 20 ते 21-1

वसई - अल्प - 14 ते 18 -1

कल्याण -अल्प- 21 ते 22 - 49

शिरढोण- अल्प- 35.66 - 11

एकीकडे सर्वसामान्यांना मुंबईसह कोकण पट्ट्यात घर घेणं परवडत नाही. त्यात आमदार- खासदारांना म्हाडाची घरं एवढ्या कमी दरात विकली जात असल्यानं म्हाडाच्या कार्यपद्धतीवर सवाल उपस्थित केला जातोय. अत्यल्प उत्पन्न गटातील घर खरेदी करणाऱ्या आमदारांचा पगार नेमका किती असतो?