Ratnagiri News : रेशन दुकानातून तीन- तीन महिने लोकांना धान्य मिळत नसल्याने उद्धव ठाकरे गट आक्रमक झाला. ठाकरे गटाच्या कार्यकर्त्यांनी चक्क रेशन दुकानावरच हल्लाबाेल चढविला. त्याचा व्हिडिओ देखील समाज माध्यमात व्हायरल हाेऊ लागला आहे. विशेष म्हणजे या दुकानाचा परवाना भाजपच्या तालुकाध्यक्षाकडे असल्याने आता हल्लाेबाेल प्रकरणाला काेणते वळण लागते हे पाहावयास लागणार आहे. (Maharashtra News)

रत्नागिरी (ratnagiri) येथे भारतीय जनता पक्षाचे तालुकाध्यक्ष मुन्ना चवंडे यांच्या नावे परवाना असलेले रेशनिंगचे दुकान (स्वस्त धान्य दुकान) आहे. या दुकानातून तीन महिन्यांपासून धान्यच मिळत नसल्याचा ठपका ठेवत उद्धव ठाकरे गटातील महिला आघाडीच्या कार्यकर्त्यांनी चवंडे यांच्या दुकानासमोर घोषणाबाजी केली. तसेच धान्य मिळावे यासाठी माेठा गाेंधळा घातला.

दरम्यान या दुकानामध्ये काम करणा-याचा कर्मचा-याच्या आईचे निधन झाल्याने दुकान बंद हाेते अशी माहिती मुन्ना चवंडे यांनी दिली. तसेच ज्यांनी आंदाेलन केले त्या उद्धव ठाकरे गटाच्या कार्यालयात जाऊन खरं काय आहे ते सांगितले जाईल असे चवंडे यांनी स्पष्ट केले.

दरम्यान या हल्लाबाेल आंदाेलनानंतर (aandolan) रेशन दुकानातून नागरिकांना धान्य मिळू लागले आहे.

Edited By : Siddharth Latkar