दिलीप कांबळे/ मनोज जयस्वाल
मावळ/ वाशीम : अत्यल्प पावसामुळे सर्वत्र पाणी टंचाई जाणवू लागली आहे. धरणातील पाणीसाठ्यात (Maval) देखील घाट होत असल्याचे पाहण्यास मिळत आहे. यात पवना धरणातील (Pavana Dam) पाणीसाठा आता ५० टक्केच राहिला आहे. तर दुसरीकडे वाशीम जिल्ह्यातील लघु प्रकल्पातील साठा देखील अर्ध्यापेक्षा कमी झाला आहे.  (Live Marathi News)

मावळवासीयांची जीवनवाहिनी आणि (Pimpri Chinchwad) पिंपरी- चिंचवडकरांना पाणी पुरवठा करणारे पवना धरण पाणलोट क्षेत्रात ५० टक्के इतकाच पाणीसाठा शिल्लक राहिला आहे. सध्या उष्णतेच्या झळा बसू लागल्या आहेत. त्यामुळे धरणातील पाण्याचे बाष्पीभवन होऊन पाणी पातळी कमी होऊ लागली आहे. सध्या धरणात असलेला पाणीसाठा हा जुलै महिन्यापर्यंत पुरेल असा अंदाज पवना पाटबंधारे खात्याने काढला आहे. तरी वेळेत पाऊस पडला नाही, तर नागरिकांना पाणी टंचाईला (Water Scarcity) सामोरे जाण्याची शक्यता नाकारता येत नाही.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

वाशिम जिल्ह्यातील टंचाईची शक्यता 
वाशिम : यावर्षी झालेल्या अल्प पावसामुळे (Washim) वाशिम जिल्ह्यातील अनेक धरणे पूर्ण भरली नव्हती. सद्या मार्चला सुरुवात झाली असून आत्तापासूनच लघु प्रकल्पातील साठा अर्ध्यापेक्षा कमी झाला आहे. यामुळे भविष्यात पाणी टंचाई निर्माण होण्याची दाट शक्यता आहे. त्याकरीता आत्तापासूनच उपाययोजना करण्याची गरज आहे.