मावळ : विधानसभा निवडणुकीचा प्रचार जोर धरू लागला आहे. एकाच मतदारसंघातील उमेदवारांच्या प्रचार रॅली समोरासमोर येत आहेत. लोणावळा मतदारसंघात सुनील शेळके व बापू भेगडे यांच्या कार्यकर्त्यांमध्ये प्रचार रॅली दरम्यान बाचाबाची झाली. यानंतर भेगडे यांच्या कार्यकर्त्यांच्या मागणीवरून शेळके यांच्या आचारसंहिता भगांचा गुन्हा दाखल करण्यात आला आहे. 

विधानसभा निवडणुकीत आता रंग चढू लागला आहे. याच दरम्यान लोणावळ्यात काल महायुतीचे (Mahayuti) उमेदवार सुनील शेळके तसेच बंडखोर अपक्ष उमेदवार बापू भेगडे यांचे कार्यकर्ते आमने सामने आल्यानंतर त्यांच्यात बाचाबाची झाली. भेगडे आणि शेळके यांच्या रॅलीचा मार्ग एकच असल्याने कार्यकर्त्यांमध्ये (Sunil Shelke) बाचाबाची झाली. त्यानंतर काही काळ वातावरणात तणाव निर्माण झाला होता. एकाच मार्गावरून रॅली जात असताना घोषणाबाजी देखील सुरु होती. यामुळे दोन्हीकडील कार्यकर्ते समोरासमोर आले. 

भेगडेच्या कार्यकर्त्यांकडून ठिय्या 

अपक्ष उमेदवार बापू भेगडे यांच्या कार्यकर्त्यांनी आमदार सुनील शेळके यांच्यावर गुन्हा दाखल करण्याची मागणी करत ठिय्या आंदोलन केले. पोलिसांनी आमदार सुनील शेळके यांच्यावर आचारसंहिता भंगाचा गुन्हा दाखल करण्यात आला. त्यानंतर भेगडे समर्थकांनी ठिय्या आंदोलन रद्द करत बापू भेगडे यांच्या प्रचाराचा शुभारंभ करत प्रचार रॅलीला सुरुवात केली.