Amit Thackeray MNS Worker kamothe :

नवी मुंबईच्या खारघरमधील एका रुग्णालयासमोर माथाडी कामगार आणि मनसैनिकांमध्ये जोरदार राडा झाला. खारघरमधील मेडिकव्हर रुग्णालयाबाहेर मनसैनिकांना मारहाण केली. त्यानंतर मनसैनिक आक्रमक झाले असून त्यांनी कामोठे येथील महेश जाधवांचं कार्यालय फोडलं आहे. (Latest News)

मिळालेल्या माहितीनुसार, माथाडी कामगाराचे नेते महेश जाधव यांनी मनसे नेते (MNS leader) अमित ठाकरे (Amit Thackeray) यांच्यावर मारहाण केल्याचा आरोप केला होता. त्यानंतर मनसे कार्यकर्ते (MNS workers) आक्रमक होत त्यांनी महेश जाधव दाखल असलेल्या रुग्णालयाकडे मोर्चा वळवला. मनसैनिक रुग्णालयात (hospital) आल्याचं कळल्यानंतर माथाडी कामगारांनी मनसे कार्यकर्त्यांना मारहाण केली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मोठ्या संख्येने असलेल्या माथाडी कामगार असल्याने त्यांनी मनसे कार्यकर्त्यांनी पळ काढला. मनसे कार्यकर्ते एक सोसायटीमध्ये लपले होते. त्यावेळी माथाडी कामगारांनी सोसायटीच्या सिक्युरिटी रूमच्या काचा फोडल्या. त्यानंतर आक्रमक झालेल्या मनसे सैनिकांनी कामोठ्यातील महेश जाधव यांच्या कार्यालय फोडलंय. मराठी कामगार सेनेच्या कार्यालयात घुसून मनसे कार्यकर्त्यांनी कार्यालयाची तोडफोड केली. यानंतर कार्यालयाबाहेर पोलिसांचा मोठा बंदोबस्त वाढवण्यात आलाय.

दरम्यान मनसेचे माथाडी कामगार नेते असलेले महेश जाधव यांनी थेट अमित ठाकरे यांच्यावर गंभीर आरोप केले. महेश जाधव हे सध्या खारघर मधील मेडिकव्हर रुग्णालयात उपचार सुरू आहेत. त्यावेळी त्याठिकाणी आलेल्या मनसैनिकांना जाधव यांच्या कार्यकर्त्यांनी बेदम मारहाण केली.