मराठवाडा पदवीधर मतदारसंघाच्या निवडणुकीच्या मतमोजणीत नाट्यमय घडामोडी पाहायला मिळत आहेत. या निवडणुकीतील एकूण 41 उमेदवारांपैकी तब्बल 38 उमेदवारांचे डिपॉझिट जप्त होणार आहे. यामध्ये उद्धव बाळासाहेब ठाकरे पक्षाचे उमेदवार दिलीप घुगे यांचाही समावेश असल्याने ठाकरे गटाला मोठा धक्का बसलाय.

मराठवाडा पदवीधर मतदारसंघाच्या या निवडणुकीत ठाकरे शिवसेनेचे उमेदवार दिलीप घुगे यांना 8 हजार 475 मते मिळाली आहेत. निवडणूक नियमांनुसार डिपॉझिट वाचवण्यासाठी आवश्यक असलेल्या मतांचा टप्पा ते गाठू शकले नाहीत. नियमानुसार एकूण कोट्याच्या 1.6 टक्के मते किंवा 14 हजार 169 पेक्षा जास्त मते मिळवणे आवश्यक असते. 1,4169 पेक्षा कमी मते मिळाल्यामुळे दिलीप घुगे यांच्यासह तब्बल 38 उमेदवारांची अमानत रक्कम जप्त होण्याचा मार्ग मोकळा झालाय.

39 उमेदवारांचे डिपॉझिट जप्त

या निवडणुकीत तब्बल 41 उमेदवार निवडणूक रिंगणात होते. निश्चित कोट्याच्या 1/6 (एकशष्टांश) पेक्षा कमी मते घेणाऱ्या उमेदवारांचे डिपॉझिट जप्त होते. त्यानुसार म्हणजे 14169 पेक्षा कमी मते घेणाऱ्यांचे डिपॉझिट झाले आहे. 3 उमेदवारांना 1/6 (एकशष्टांश) टक्केपेक्षा जास्त मते मिळाली आहेत. त्यामुळे शिवसेना उबाठाचे दिलीप घुगेंसह 39 उमेदवारांचे डिपाॅजीट जप्त झाले आहे. डॉ. प्रतापसिंह पाटील, सतीश चव्हाण आणि अपक्ष उमेदवार रविराज साबळे यांचेच डिपॉझिट वाचले आहे.

मराठवाडा पदवीधर मतदारसंघासाठी दुसऱ्या पसंतीच्या मतांची मोजणी सुरूय. या प्रक्रियेदरम्यान आतापर्यंत 24 उमेदवारांना बाद ठरवण्यात आले आहे. उमेदवारांना बाद करत असताना त्यांच्या दुसऱ्या पसंतीची मते आघाडीवर असलेल्या उमेदवारांच्या खात्यात वर्ग केली जात आहेत.

आघाडीवरील मुख्य उमेदवारांची सद्यस्थिती

प्रतापसिंह पाटील (राष्ट्रवादी काँग्रेस - शरदचंद्र पवार पक्ष)

आतापर्यंतची एकूण मते: 74,087

दुसऱ्या पसंतीची मोजणी: दुसऱ्या पसंतीच्या मतांमधून त्यांच्या खात्यात 156 मतांची भर पडली आहे.

सतीश चव्हाण (राष्ट्रवादी काँग्रेस - अजित पवार गट)

आतापर्यंतची एकूण मते: 60,898

दुसऱ्या पसंतीची मोजणी: दुसऱ्या पसंतीच्या मतांमधून त्यांच्या खात्यात 130 मते वाढली आहेत.