रिक्षा आणि टॅक्सी चालकांसाठी मराठी भाषा सक्तीची करण्यात आल्यानं अमराठी भय्ये अस्वस्थ झालेत...तर याच मुद्द्यावरून आता शिंदे गटातच फूट पडलीय. परिवहन मंत्री प्रताप सरनाईकांच्या निर्णयाला आव्हान देत संजय निरुपम मराठीद्वेष्ट्या भय्यांच्या पाठीशी उभे राहिलेत... दहिसरमध्ये अमराठी भय्यांशी संवाद साधण्यासाठी संजय निरुपम गेले आणि मनसेच्या कार्यकर्त्यांच्या संतापाचा भडका उडाला... दहिसरमध्ये मनसे कार्यकर्त्यांनी संजय निरुपम यांच्या गाडीवर दगडफेक केलीय..

मनसेचे कार्यकर्ते फक्त दगडफेक करुनच थांबले नाहीत... तर मनसैनिकांनी संजय निरुपम परत जा म्हणत जोरदार घोषणाबाजी केली... मराठी भाषिकांचा संताप पाहिल्यानंतर संजय निरुपम यांनी मवाळ भूमिका घेतलीय.. अमराठी भाषिकांना मराठी शिकण्यासाठी वेळ देण्याची मागणी निरुपम यांनी केलीय... दुसरीकडे मनसे नेते संदीप देशपांडेंनी हिच अमराठी लोकांना धडा शिकवण्याची वेळ असल्याचं म्हटलंय..

खरं तर 2019 मध्ये राज्य सरकारने महाराष्ट्र मोटार व्हेईकल कायदा 1989 मध्ये सुधारणा केली... त्यात नियम 4, 78 आणि 85 नुसार रिक्षा चालकांना मराठी भाषा सक्तीची करण्यात आलीय.. मात्र लायसन्स काढताना किंवा त्याचं नतुनीकरण करताना मराठी भाषा आली नाही तर त्याचं लायसन्स रद्द करण्याची तरतूद या नियमात आहे.... तर हा नियम 1 मे नंतर लागू करण्यात येणार आहे.. आता अमराठी भय्ये हा नियम लागू करण्यास आणि मराठी शिकण्यास वेळ देण्याची मागणी करत आहेत...

मात्र हा नियम लागू करुन 8 वर्षे झाले.. या 8 वर्षात जे मराठी शिकले नाहीत... ते मुदत वाढवून दिली तर शिकतील का? असा प्रश्न निर्माण झालाय.. त्यामुळे परप्रांतीय रिक्षाचालकांच्या दबावामुळे परिवहन मंत्री प्रताप सरनाईक माघार घेणार की मराठी भाषिकांचा सन्मान करत मराठी न येणाऱ्या रिक्षा व ऑटो चालकांवर कारवाई करणार? याकडे राज्याचं लक्ष लागलंय..