Hingoli News:

हिंगोलीत मराठा समाजाच्या आरक्षण मागणीसाठी साखळी उपोषणामध्ये बसलेल्या एका व्यक्तीचा हृदयविकाराच्या झटक्याने मृत्यू झाल्याची घटना घडली आहे. शनिवारी दुपारी चार वाजण्याच्या सुमारास ही घटना घडली आहे. हिंगोलीच्या कळमनुरी येथील शिंदी गावात ही घटना घडली आहे. (Latest Marathi News)

मिळालेल्या माहितीनुसार, हिंगोलीच्या कळमनुरी तालुक्यातील शिंदी गावात मराठा आरक्षणासाठी सुरू असलेल्या साखळी उपोषणादरम्यान एका उपोषणकर्त्याचा हृदयविकाराच्या झटक्याने मृत्यू झाल्याची घटना घडली.

प्रकाश नामदेवराव मगर असं ५५ वर्षीय उपोषणकर्त्याचे नाव आहे. हिंगोलीतील बाळापूर पोलीस ठाणे हद्दीत ही घटना घडली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

You May Like

मगर हे गेल्या अनेक दिवसांपासून मराठा आरक्षणासाठी सुरू असलेल्या आंदोलन व उपोषणामध्ये सक्रिय सहभागी झाले होते. सध्या प्रकाश मगर यांचा मृतदेह शवविच्छेदनासाठी हिंगोलीच्या शासकीय रुग्णालयात दाखल करण्यात आलं.

नेमकं काय घडलं?

काही दिवसांपूर्वी मनोज जरांगे यांनी उपोषण मागे घेतल्यानंतही शिंदी गावात साखळी उपोषण सुरू होतं. साखळी उपोषणामध्ये शनिवारी गावातील प्रकाश नामदेव मगर देखील उपोषणास बसले होते. उपोषणादरम्यान संध्याकाळीच्या सुमारास त्यांना अचानक चक्कर आली. त्यानंतर त्यांना पोतरा येथील प्राथमिक आरोग्य केंद्रामध्ये दाखल केलं.

प्रकाश यांना प्राथमिक आरोग्य केंद्रामध्ये दाखल केल्यानंतर डॉ.मदन गारोळे यांनी प्राथमिक उपचार केले. त्यानंतर पुढील उपचारासाठी तातडीने त्यांना हिंगोली येथील रुग्णालयात पाठवले. मात्र, तेथील रुग्णालयातील डॉक्टरांनी त्यांचा मृत्यू झाला असल्याचे सांगितले. प्रकाश मगर यांच्या मृत्यूने त्यांच्या गावावर शोककळा पसरली आहे.