Maratha Aarakshan :

मराठा आरक्षणावरून महाराष्ट्रातील वातावरण चांगलंच तापलं आहे. आरक्षणासठी मनोज जरांगे पाटील यांनी आमरण उपोषणाला सुरूवात केलीये. त्यांना पाठींबा देत मराठा आंदोलक आनंद काशिद यांचे देखील मागील दहा दिवसांपासून आमरण उपोषण सुरु आहे. त्यामुळे आज त्यांची तब्येत ढासळलीये.

काशीद यांची प्रकृती ढसाळल्यामुळे त्यांना सलाईन लावण्यात आले आहे. सलाईन लावले असले तरी आंदोलन स्थळीच त्यांच्यावर उपचार चालू आहेत. जोपर्यंत मनोज जरांगे पाटील यांचे उपोषण सुरु आहे तोवर माझे उपोषण सुरूच राहणार असल्याची भूमिका उपोषणकर्ते आंनद काशिद यांनी घेतलीय.

अशात मराठा आरक्षण विधेयकाला विधानसभेत एकमताने मंजुरी मिळाली आहे. मात्र सरकारचा हा निर्णय मनोज जरांगे पाटलांना मान्य नाही. त्यामुळे त्यांनी पुन्हा आपलं उपोषण सुरूच ठेवलंय. तसेच हाताला लावलेलं सलाईन देखील काढून टाकलं आहे. मराठा आरक्षणासाठी जरांगे यांनी सरकारला २१ फेब्रुवारी पर्यंतचा अल्टीमेटम दिला होता. त्यामुळे आज झालेला निर्णय त्यांना माहिती नसल्याने मराठा समाजाकडून आक्रमक भूमिका घेतल जाण्याची शक्यता आहे.

मराठा समाजाला आरक्षण देताना सगेसोयरे हा मुद्दा महत्त्वाचा आहे. सगेसोयरेंबाबत आधी अंमलबजावणी करावी, त्यासंबंधीचा कायदा तयार करावा, अशी मागणी मनोज जरांगे पाटील यांनी केली होती. मात्र विधानसभेत 'सगेसोयरे'बाबत मुख्यमंत्री एकनाथ शिंदे यांनी काही उल्लेख केला नाही. त्यामुळे मनोज जरांगे पाटील पुन्हा आक्रमक झालेत.

राज्य विधीमंडळाच्या विशेष अधिवेशनात विधानसभेत मराठा आरक्षण विधेयक एकमतानं मंजूर झालं असलं तरी, मराठा आरक्षणासाठी गेल्या काही महिन्यांपासून आंदोलन करणारे मनोज जरांगे पाटील उपोषणावर ठाम आहेत.