मराठा आरक्षणाचा मुद्दा ऐरणीवर आला आहे. मनोज जरांगे यांनी काही दिवसांपूर्वी मुंबईत 20 जानेवारी रोजी उपोषण करणार असल्याची घोषणा केली. मुंबईत या उपोषणावेळी ३ कोटी मराठा आंदोलक येईल, असा दावा देखील जरांगे यांनी केला आहे. त्यानंतर ओबीसी समाजानेही २० जानेवारीला आंदोलन करणार असल्याची घोषणा केली. मात्र, याचदरम्यान जरांगे यांनी मुंबईत आम्हाला तीन मैदाने लागतील. त्यासाठी सरकारही परवानगी देईल,अशी अपेक्षा व्यक्त केली आहे. (Latest Marathi News)
मनोज जरांगे पाटील यांनी जालन्यात माध्यमांशी संवाद साधला. मनोज जरांगे म्हणाले, 'मनोज जरांगे पाटील यांच्या शिष्टमंडळांनी मुंबईतील मैदानांची पाहणी केली आहे. त्यानंतर मुंबईत जाणाऱ्या मराठा आंदोलकांची संख्या मोठी आहे, त्यामुळे आम्हाला तीन मैदाने लागतील. मुंबईतील शिवाजीपार्क, बीकेसी आणि आझाद मैदान हे तीन मैदाने लागतील. मात्र, आमरण उपोषण हे आझाद मैदान किंवा शिवाजी पार्क या दोन्ही पैकी एका मैदानात होईल'. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
'उपमुख्यमंत्री देवेंद्र फडणवीसांबद्दल आम्हाला राग नाही आहे. ते मराठा आरक्षणासाठी काम करत आहेत,असं स्पष्टीकरण जरांगे यांनी दिलं.
दरम्यान, मनोज जरांगे हे येत्या 4 जानेवारी ते 8 जानेवारीपर्यंत गोदा पट्ट्यातील 123 गावांचा दौरा करणार आहेत. यावेळी ते मराठा समाजाच्या कार्यकर्त्यांशी गाठीभेटी करणार आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.