याच पोर्स्टरवरून आता मोठा वाद निर्माण झालाय. मुंबईतील मालाडमधील एका भाजप आमदाराच्या गरबा कार्यक्रमाच्या ठिकाणी लावलेल्या पोस्टर्समध्ये गैर-हिंदूंसाठी कडक नियम ठेवण्यात आले आहेत. गोमूत्रापासून बनवलेला टिळा कपाळाला लावून आणि पवित्र धागा बांधून घेतला तरच प्रवेश दिला जाणार आहे. लव्ह जिहादला विरोध करण्याच्या नावाखाली सुरू झालेल्या या मोहिमेमुळे राजकीय वातावरण तापलं आहे.

जिथे हा गरबा होणार आहे त्या ठिकाणी जाऊन सामच्या प्रतिनिधीने आढावा घेतला आणि आयोजकांशी संवाद साधलाय. दरम्यान गरब्यावेळी विश्व हिंदू परिषद आणि बजरंग दलाच्या कार्यकर्त्यांनी मंडपांवर पाळत ठेवण्याची योजना आखली आहे. या संघटनांच्या नेत्यांच्या म्हणण्यानुसार, गेल्या वर्षीही ओळखपत्रांची तपासणी करण्यात आली होती.

त्यावेळीही टिळा लावण्यात आला होता. या वेळेस आयोजकांना मंडपांच्या बाहेर भगवान वराहाचे कटआउट लावण्याचे आवाहन करण्यात आले आहे. या कठोर उपाययोजनांमुळे समाजकंटकांना आळा बसेल, असा आयोजकांचा विश्वास आहे. मात्र गरब्यासारख्या धार्मिक उत्सवासाठी अशा नियमांच्या सक्तीवरुन तीव्र आक्षेपही घेतले जात आहेत. त्यामुळे कुठलाही वाद न होता हा उत्सव शांततेत पार पडावी हीच अपेक्षा.