राज्यात गेल्या काही दिवसांपासून पावसाचा जोर लक्षणीयरीत्या कमी झाला असून उन्हाचे प्रमाण वाढू लागले आहे. हवामान खात्याच्या माहितीनुसार, आज मराठवाड्यातील काही ठिकाणी विजांच्या कडकडाटासह पावसाच्या सरी पडण्याची शक्यता वर्तविण्यात आली आहे. विशेषतः परभणी, हिंगोली, लातूर आणि नांदेड जिल्ह्यांत हे हवामान बदल प्रकर्षाने जाणवू शकतात. मात्र राज्यातील उर्वरित भागात मुख्यतः पावसाची उघडपी राहील आणि हलक्या तुरळक सरी कोसळतील, असे सांगण्यात आले आहे.

गेल्या काही दिवसांत पावसाने शेतकरी वर्गाला मोठा दिलासा दिला होता. राज्यात तापमानात हळूहळू वाढ होऊ लागल्याचे स्पष्ट दिसत आहे. चंद्रपूर येथे काल राज्यातील सर्वाधिक ३४.४ अंश सेल्सिअस तापमानाची नोंद झाली.

यामुळे उष्णतेची चाहूल लागली असून दिवसाच्या वेळी उन्हाचा चटका जाणवू लागला आहे. सकाळच्या वेळी मात्र दाट धुक्याने वातावरण आच्छादलेले असते. मध्य महाराष्ट्र आणि घाटमाथ्यावर काही ठिकाणी सकाळी उशिरापर्यंत पांघरूण घातल्यासारखे धुक्याचे साम्राज्य दिसले.

पुढील काही दिवसांमध्ये पावसाने राज्याला काहीशी उघडपी राहणार आहे. दरम्यान, मान्सून हंगामाच्या अखेरीस हवामानामध्ये चढ-उतार होण्याची शक्यता आहे. यामुळे हवामान खात्याने नागरिकांना सुरक्षतितेचा इशारा दिला आहे.