सांगली जिल्ह्यात भाजपनं राष्ट्रवादीला एक मोठा धक्का दिलाय. भाजपनं शरद पवार यांच्या राष्ट्रवादीमधील आमदाराच्या पुत्राला गळा लावलंय. पुणे विभाग पदवीधर आमदार अरुण अण्णा लाड यांचे सुपुत्र शरद लाड हे भाजपमथध्ये प्रवेश करणार असल्याची चर्चा आहे. येत्या ७ ऑक्टोबर रोजी शरद लाड भाजपमध्ये प्रवेस करणार असल्याची चर्चा जिल्ह्यातील राजकीय वर्तुळात होऊ लागलीय. (Big Political Shock In Sangli: Ncp Mla’s Son Sharad Lad To Join Bjp)

दरम्यान या चर्चांना भाजपच्या नेत्यांनी दुजोरा दिलाय. शरद लाड यांचा प्रवेश झाला तर शरद पवारांची राष्ट्रवादी आणि जयंत पाटील यांच्यासाठी मोठा धक्का असणार असल्याचं म्हटलं जात आहे. इतकेच नाहीतर शरद लाड यांच्या भाजप प्रवेशासाठी मुख्यमंत्री देवेंद्र फडणवीसांनी हिरवा कंदील दाखवलाय. दाखवल्याची माहिती आहे. त्यामुळे शरद लाड यांचा मुंबईत ७ ऑक्टोबर रोजी पक्षप्रवेश होणार असल्याच निश्चित झालाय.

अरुण लाड हे राष्ट्रवादी शरद पवार गटाचे नेते असून ते माजी मंत्री जयंत पाटील यांचे निकटवर्तीय आहेत. त्यामुळे जयंत पाटलांना धक्का देण्यासाठीच भाजपने अरुण लाड यांचा मुलगा शरद लाड यांना गळाला लावल्याची चर्चा सुरूय. हाती आलेल्या माहितीनुसार, दुर्गामाता दौडमध्ये सहभागी होत शरद लाड यांनी भाजपमध्ये जाण्याचे संकेत दिले होते, असं म्हटलं जात आहे.विजयादशमी निमित्ताने संभाजी भिडे यांच्या सांगलीतील दुर्गामाता दौडमध्ये शरद लाड यांनी उपस्थिती लावली होती. त्याचवेळी ते भाजपमध्ये जाणार असल्याचं निश्चित झालं होतं, अशी चर्चा सुरूय.

गेल्या काही दिवसांपासून पदवीधर मतदारसंघासाठी मोठ्या प्रमाणात नाव नोंदणी सुरूय. सध्या या निवडणुकीसाठी रस्सीखेच सुरू आहे. दरम्यान पुणे पदवीधर मतदारसंघामध्ये सध्या राष्ट्रवादी शरद पवार गटाचे अरुण लाड प्रतिनिधीत्व करतात. या मतदारसंघात भाजपला आपला आमदार हवाय, त्याकारणाने भाजपनं हा डाव खेळत थेट आमदाराच्या पुत्राला आपल्या पक्षात आणण्याचा खटाटोप भाजपकडून सुरूय. शरद लाड भाजपमध्ये प्रवेश करतील तेथील राजकारणात मोठी उलथापालथ होणार आहे.