Loksabha Election 2024:

महायुतीमध्ये सध्या जागावाटपावरुन शिवसेना, राष्ट्रवादी, भारतीय जनता पक्षामध्ये रस्सीखेच सुरू आहे. लोकसभेच्या निवडणुकीत उतरण्यासाठी अनेक जण इच्छुक आहेत, त्यामुळे तिकीटासाठी चढाओढ सुरू आहे. अशातच सुधीर मुनगंटीवार यांनी मात्र माझं तिकीट कापलं जावं, अशी इच्छा व्यक्त केल्याने राजकीय वर्तुळात चर्चा रंगली आहे. (Loksabha Election)

याबाबत सविस्तर माहिती अशी की, भारतीय जनता पक्षाकडून चंद्रपूर लोकसभेसाठी सुधीर मुनगंटीवार यांच्या नावाची चर्चा आहे. पक्षाकडून चंद्रपुरच्या जागेसाठी सुधीर मुनगंटीवार यांचे नाव सुचवल्याचे बोलले जात आहे. अशातच सुधीर मुनगंटीवार यांनी मात्र माझं तिकीट कापलं जावं, अशी इच्छा व्यक्त केली आहे.

"आम्ही राज्यात सध्या २५ जागांवर आहोत. त्याची सद्यस्थिती, सत्यस्थिती याचं सादरीकरण झालं. सध्या आम्ही २५ जागांवर आहोत, त्यामध्ये पक्षाने जेवढ्या जागांवर वाढ करतील तेवढ्या जागा लढवू, चंद्रपूरसाठी पक्षाने माझं नाव सुचवलं आहे. मात्र माझं तिकीट कापलं जावं, यासाठी मी आग्रही आहे," असे सुधीर मुनगंटीवार (Sudhir Mungantiwar) म्हणालेत.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान, राज्यात सध्या लोकसभेच्या जागांवरुन महायुतीमध्ये रस्सीखेच सुरू आहे. आता महायुतीतील मित्रपक्षांना लोकसभेऐवजी विधानसभेत योग्य स्थान दिल जाणार असल्याचे आश्वासन भारतीय जनता पक्षाकडून देण्यात आल्याचे बोलले जात आहे. लोकसभेच्या उमेदवारीत स्थान मिळणं कठीण आहे, सध्याचे राहू द्या, विधानसभेत बघू, असे मित्रपक्षांना आश्वासन दिल्याची चर्चा राजकीय वर्तुळात आहे. (Latest Marathi News)