राज ठाकरेंसोबतच्या युतीबाबत उद्धव ठाकरेंनी स्पष्ट संकेत दिलेत... मात्र याच युतीच्या चर्चांवरुन उपमुख्यमंत्री एकनाथ शिंदेंनी उद्धव ठाकरेंना डिवचलंय... तर संजय राऊतांनी ठाण्याच्या अब्दुल्लाची उपमा देत एकनाथ शिंदेंवर पलटवार केलाय...

राज ठाकरेंसोबतच्या युतीला उद्धव ठाकरेंनी हिरवा कंदिल दाखवलाय...तर माजी नगरसेवक आणि आमदार खासदारही राज ठाकरेंसोबतच्या युतीबाबत सकारात्मक असल्याची माहिती समोर आलीय... मात्र दुसरीकडे मराठी मतांचं विभाजन झाल्यास त्याचा फटका बसण्याची शक्यता असल्यानेच शिंदे गटही अस्वस्थ असल्याची चर्चा आहे... त्यामुळेच राज ठाकरेंना आपल्या बाजूला वळवण्याचे प्रयत्न शिंदे गटाकडून सुरु आहेत...

- ठाकरे बंधूंच्या एकीमुळे महापालिका निवडणुकीत फटका बसण्याची शक्यता

- ठाकरे ब्रँड सोबत ठेवण्यासाठी शिंदेंचा प्रयत्न

- सामंतांच्या माध्यमातून राज यांचं मन वळवण्याचे प्रयत्न सुरु

- शिंदे स्नेहभोजनाच्या माध्यमातून डाव टाकण्याच्या तयारीत

तर दुसरीकडे विधानसभेतील पराभवानंतर आता देशाचं आर्थिक केंद्र असलेली मुंबई महापालिका जिंकण्यासाठी ठाकरे गट जोरदार प्रयत्न करतोय..मात्र ठाकरे बंधूंच्या युतीत खोडा घालून राज ठाकरेंना आपल्या बाजूने वळवणं एकनाथ शिंदेंना शक्य होणार की ठाकरे ब्रँड जपण्यासाठी दोन्ही बंधू एकत्र येणार? यावर महापालिकेच्या विजयाचं गणित अवलंबून असणार आहे...