राष्ट्रवादी काँग्रेस शरद पवार गटाचे अध्यक्ष शरद पवार यांच्या मोठ्या विधानाबाबतची बातमी समोर आली आहे. 'उद्योजकांच्या मर्जीने राजकारण होऊ शकत नाही.' असं वक्तव्य शरद पवार यांनी अदानींसोबतच्या भेटीवर केले आहे. शरद पवार यांनी साम टीव्हीला दिलेल्या मुलाखतीमध्ये हे मोठं विधान केले आहे.

२०१९ चे नवीन सरकार बनवण्यामध्ये आणि त्याआधी सरकार पाडण्याच्या प्रयत्नांमध्ये तुम्ही अदांनींच्या घरी अमित शहांना भेटले होते. तिथे अजित पवार देखील उपस्थित होते. त्यात तुमची चर्चा होऊन हे सरकार कसे भाजपसोबत स्थापन होईल अशाप्रकारचा तुम्ही निर्णय घेतला होता. अशा स्वरूपाचा उघडपणे आरोप अजित पवारांनी केला. या प्रश्नावर उत्तर देताना शरद पवारांनी सांगितले की, 'असं झालंय का? सरकार स्थापन झालं नाही तर चर्चा कशाला करायची. असं काय केलं असतं ते लोकं सांगतात. एकही दिवस सत्ता नाही मग अशा प्रश्नांना अर्थ नाही. ही गोष्ट खरी आहे की, मी अनेक वेळा अजित पवारांना घेऊन अनेकांची बैठक घेतली. देशाचे गृहमंत्री यांना मी एकदा काय तीन-चार वेळा भेटलो असेल.'

भाजपबरोबर अदानी तुम्हाला घेऊन जाण्यासाठी प्रयत्न करत होते असे चित्र तयार केले जात आहे या प्रश्नाचे उत्तर देताना शरद पवारांनी सांगितले की, 'राजकारणाचा विषय विशेष करून उगीच हे राजकीय निर्णयात सहभागी असतात यात काय तथ्य नाही. हे कुणी मान्य करत नाही. 'वर्षा'चा कार्यक्रम काय हे सांगायाला तो आला तर आम्ही सांगू तुझी जागा इथं नाही. बाहेर जा. असे मी सांगेल.'