Political News : शिंदे सरकार कोसळेल असं वक्तव्य विधान परिषदेचे विरोधी पक्षनेते अंबादास दानवेंनी केलंय.दानवेंच्या या वक्तव्याचा केंद्रीय अर्थ राज्यमंत्री भागवत कराड यांनी समाचार घेत त्यांना कावळ्याची उपमा दिलीय.कावळ्याच्या शापानं जनावरं मरत नाही असं सांगत शिंदे सरकार आपला कार्यकाळ पूर्ण करून 2024 मध्ये आमचं सरकार पुन्हा सत्तेत येईल असंही कराड यांनी म्हटलंय. (Latest Marathi News)

महाविकास आघाडीची वज्रमुठ ही एका विचाराची नसून सत्तेच्या लाचारासाठी आहे असंही कराड म्हणाले. भाजप (BJP) कुणाचेही आमदार फोडणार नाही पण तुम्ही आमदारांची कामं करणार नसाल आणि ते आमदार आमच्याकडे आले तर आम्ही त्यांचं स्वागत करू असं सांगायलाही कराड (Bhagwat Karad) विसरले नाही.

अजित पवार (Ajit Pawar) भाजपच्या संपर्कात आहे की नाही याबाबत मला माहिती नाही असंही ते म्हणाले. सुप्रिया सुळे यांनी महाविकास आघाडीची नागपूरची सभा होणारच असं म्हटलं आहे यावर बोलताना सभा घेण्याचा त्यांना अधिकार आहे मात्र ही वज्रमुठ नसून ढिली मूठ असल्याची टीका कराड यांनी केली. (Political News)

यावेळी भागात कराड यांनी कुठल्याही उद्योगाची सबसिडी हे सरकार बंद करणार नसून उद्योजकांशी चर्चा करून त्यांना विविध येणाऱ्या अडचणीची सोडवणूक हे सरकार करेल अस आश्वासन ही त्यांनी यावेळी दिले.