लक्ष्मण सोळुंके, साम टीव्ही जालना

अंतरवाली सराटीमधून मोठी बातमी समोर येत आहे. आज अजित पवार यांचे पुत्र जय पवार यांनी अचानक मनोज जरांगेची भेट घेतली आहे. .यावेळी जय पवार यांच्यासोबत सूरज चव्हाण देखील असल्याची माहिती मिळत आहे. त्यामुळे राजकीय चर्चांना उधाण आलं आहे. जय पवार आणि जरांगे यांच्या भेटीमुळं राजकीय चर्चांना उधाण आलं आहे. या भेटीमुळे (Jai Pawar Meet Manoj Jarange Patil) अंतरवाली सराटीत राजकीय खलबतं शिजत आहेत का, असा प्रश्न आता निर्माण होत आहे.

तर अंतरवाली सराटीमध्ये आज मराठा आंदोलक मनोज जरांगे पाटलांनी जय पवार यांचं स्वागत केल्याची माहिती मिळत (Maharashtra Politics) आहे. अजित पवार यांचे चिरंजीव जय पवार आज अचानक अंतरवाली सराटीमध्ये दाखल झाले. त्यानंतर त्यांनी मनोज जरांगे पाटील यांची भेट घेतल्याची माहिती मिळत आहे. निवडणुकीच्या पार्श्वभूमीवर राजकीय नेत्यांच्या भेटीगाठीचं सत्र सुरूच असल्याचं दिसतं. त्याचदरम्यान ही भेट झाल्याने चर्चांना उधाण आलं आहे.

आज उपमुख्यमंत्री अजित पवार (Manoj Jarange Patil) यांचे पुत्र जय पवार हे हेलिकॉप्टरने छत्रपती संभाजीनगरला आले होते. माध्यमांना न कळवता ते थेट कारने अंतरवाली सराटीमध्ये दाखल झाले होते. त्याठिकाणी तब्बल अर्धा तास त्यांनी मनोज जरांगे पाटलांची वाट पाहिल्याची माहिती मिळत आहे. त्यानंतर जरांगे पाटील आल्यानंतर त्यांनी जय पवार यांची भेट घेतली. यावेळी दोघांनीही एकमेकांचं स्वागत (Jalna News) केलं.

आंतरवली सराटी येथे उपमुख्यमंत्री अजित पवार यांचे चिरंजीव जय पवार आणि सूरज चव्हाण यांनी आज मनोज जरंगे पाटील यांची सदिच्छा भेट घेतली आहे. मात्र, यावेळी जरांगे पाटील आणि जय पवार यांच्यात (Jai Pawar Meet Manoj Jarange) कोणतीही राजकीय चर्चा झाली नसल्याची माहिती मिळत आहे. तरीही राजकीय वर्तुळात चर्चांना मात्र उधाण आलं आहे. या भेटीमुळे आता अंतरवाली सराटीमध्ये नेमकी कोणती राजकीय खलबतं सुरू आहेत, अशी सगळ्यांना उत्सुकता लागली आहे.