विजय पाटील, साम टीव्ही, प्रतिनिधी

Maharashtra : सांगलीच्या इस्लामपूरमध्ये पवार काका- पुतण्यांमध्ये चांगलीच जुगलबंदी रंगली. राष्ट्रवादी शरद पवार गटाचे आमदार रोहित पवारांनी उपमुख्यमंत्री अजित पवार यांना चिमटे काढले. त्यावर लगेच अजित पवारांनी देखील रोहित पवारांना टोले लगावत चांगलेचं सुनावले. "दादा (अजित पवार) गावकीकडे लक्ष देतात,थोडं भावकीकडेही लक्ष द्या," असे सांगत आमदार रोहित पवारांनी अजित पवारांना चिमटा काढला. त्यानंतर अजित पवारांनी जोरदार फटकेबाजी करत भावकीकडे "लक्ष दिलं म्हणून तू आमदार झालास",असे सुनावले. "मला सल्ला द्यायची गरज नसून माझ्या नादाला लागू नको", असा दमदेखील अजित पवारांनी भर व्यासपीठावर रोहित पवारांना भरला.