अजित पवारांच्या राष्ट्रवादीचे आमदार रोहित पवारांनी चक्कं अजित पवारांचा पक्षच हायजॅक केल्याचं वक्तव्य केलंय.. आणि त्याला कारण ठरलंय मारहाण प्रकरणानंतर सुरज चव्हाण यांचं झालेलं प्रमोशन....

छावा संघटनेच्या विजय घाडगेंना मारहाण केल्यानंतर अजित पवारांनी सुरज चव्हाणांना पदाचा राजीनामा द्यायला लावला होता. मात्र अवघ्या महिन्याच्या आतच सुरज चव्हाण यांना अजित पवारांच्या राष्ट्रवादीचं प्रदेश सरचिटणीस पद देण्यात आलंय.. मात्र या नियुक्तीबद्दल पक्षाचे सर्वेसर्वा असलेले अजित पवारच अनभिज्ञ आहेत... हाच धागा पकडून अजित पवारांच्या पक्षाच्या कोकणातील एका नेत्याने पक्ष हायजॅक केल्याचा खळबळजनक आरोप रोहित पवारांनी केलाय...तर रोहित पवारांचं वक्तव्य बालिश असल्याचा पलटवार तटकरेंनी केलाय...

शब्दाचा पक्का अशी अजित पवारांची प्रतिमा आहे.. मात्र अजित पवारांच्या राष्ट्रवादीत भाजप प्रो गट अॅक्टिव्ह झाल्याची चर्चा रंगलीय... त्याची कारणं काय आहेत? पाहूयात....

मंत्रिमंडळातून डावलल्यानंतर भुजबळांनी अजित पवारांवर टीकेची झोड उठवली.. मात्र अजित पवारांचा विरोध असतानाही भुजबळांना मंत्रिपद देण्यात आलं.. तसंच माणिकराव कोकाटे वादात सापडल्यानंतरही भुजबळांना शह देणयासाठी कोकाटेंना वाचवल्याची चर्चा रंगलीय..त्यानंतर आता सुरज चव्हाणांना बढती दिल्याने अजित पवारांच्या डॅशिंग प्रतिमेला धक्का बसण्याची शक्यता आहे.

पक्षातील निर्णयच अजित पवारांना माहिती नसल्याने पक्ष नेमकं कोण चालवतंय? अजित पवारांविरोधात त्यांच्याच पक्षातील गट अॅक्टिव्ह झालाय का? असे अनेक प्रश्न आता विरोधकांनी उपस्थित केलेत.. त्यामुळे अशाच घटना घडत राहिल्या तर आगामी स्थानिक स्वराज्य संस्थांच्या निवडणूकीत अजित पवारांच्या पक्षाला फटका बसण्याची शक्यताच अधिक आहे..