Maharashtra Political News:

भाजप सरकार हे अत्याचारी सरकार आहे. सोयाबीनचे भाव कमी झालेत. राज्यातील सरकार झोपी गेले आहे आणि शेतकऱ्यांना आत्महत्या करण्यास प्रवृत्त करत आहे, अशा शब्दांत काँग्रेस प्रदेशाध्यक्ष नाना पटोले यांनी राज्यातील सरकारवर आगपाखड केली आहे. (Latest Marathi News)

कॉमेडी शो सारखे सरकार

या सरकारने दुष्काळ जाहीर केला पाहिजे, पण अजूनही दुष्काळ जाहीर केला नाही. राज्यातील सरकार हे कॉमेडी शो सारखे सरकार आहे. इथल्या जनतेचे सरकारला काही घेणं देणं नाही, अशी घनाघाती टीकाही नाना पटोले यांनी राज्यातील सरकारवर केली आहे.

अमरावतीमध्ये काँग्रेसच्या पदाधिकारी मेळाव्यानंतर आयोजित पत्रकार परिषदेत ते बोलत होते. यावेळी मुख्यमंत्री आणि उपमुख्यमंत्र्यांवर पटोलींनी हल्लाबोल केला. तसेच सरकारच्या कामांवर प्रश्न उपस्थित केलेत.

राज्यत बेरोजगारी मोठ्या प्रमाणावर वाढली आहे. उद्योगधंदे पळवले जात आहेत. महागाई वाढली आहे सिलेंडरच्या किमती वाढल्या आहेत. पेट्रोलच्या किमतीही वाढल्यात. याकडे सरकारचं लक्ष नाही. तर दुसरीकडे नाशिकमध्ये मोठ्या प्रमाणावर अंमली पदार्थांचा व्यवसाय सुरू आहे. त्याला राज्य सरकार खतपाणी घालतं का?, असा सवालही नाना पटोले यांनी उपस्थित केला आहे.