Maharashtra Political Crisis: अजित पवार (Ajit Pawar) यांच्या बंडाविरोधात राष्ट्रवादीचे अध्यक्ष शरद पवार यांनी दंड थोपटले आहेत. राष्ट्रवादीत झालेल्या फुटीनंतर शरद पवार (Sharad Pawar) यांनी नाशिकच्या येवल्यामध्ये पहिली सभा घेतली. या सभेत त्यांनी बंड करणाऱ्या आमदारांवर जोरदार हल्लाबोल केला.

तसेच अजित पवार यांनी काही दिवसांपूर्वीच शरद पवार यांच्या वयाचा उल्लेख करत टीका केली होती. त्यांच्या या टीकेलाही शरद पवार यांनी येवल्याच्या सभेतून चोख प्रत्यूत्तर दिले. यावेळी त्यांनी वयाचा उल्लेख कराल तर महागात पडेल.. असा थेट इशारा त्यांनी दिला. (Maharashtra Politics)

काय म्हणाले शरद पवार...

"काही लोक म्हणतात माझे वय झाले. वय झाले हे खरं आहे. वय ८२ झाले. पण गडी काय आहे तु पाहीलं कुठं? उगाच वयाच्या उल्लेख करु नका. वयाचा उल्लेख कराल तर महागात पडेल; " असा खणखणीत इशारा त्यांनी यावेळी दिला. "पुन्हा असा विचार करु नका, धोरणात्मक टीका करु नका. कार्यक्रमावर टीका करा. पण वैयक्तिक टीका करु नका. ह्या गोष्टी आम्हाला कोणी शिकवले नाही; असेही ते पुढे बोलताना म्हणाले.

सभेत मागितली माफी...

यावेळी बोलताना शरद पवार (Sharad Pawar) यांनी नाशिककरांची माफी मागायची असल्याचे मोठे विधान केले. मी इथे कोणावर टीका करण्यासाठी किंवा कोणाचे कौतुक करण्यासाठी आलो नाही.. तर मी जनतेची माफी मागायला आलोय असे ते यावेळी म्हणाले. माझा अंदाज कधीच चुकत नाही, मात्र यावेळी माझा अंदाज चुकला. या चुकीमुळे तुम्हाला त्रास झाला पण मी अशी चूक पुन्हा करणार नाही;" असे पवार यावेळी म्हणाले. (Maharashtra Politics)