ऐकलंत... दिवाळीला फक्त हिंदूंच्या दुकानातूनच खरेदी करा, असं आवाहन करणारे..... हे आहेत शाहु, फुले आंबेडकरांच्या धर्मनिरपेक्ष विचारधारेचा वारसा सांगणाऱ्या अजित पवारांच्या राष्ट्रवादीचे आमदार संग्राम जगताप... याच संग्राम जगतापांनी अजित पवारांच्या राष्ट्रवादीची धर्मनिरपेक्ष विचारधाराच धाब्यावर बसवलीय.. हिंदूंवर मशिदीतूनच हल्ले होतात, असं वादग्रस्त वक्तव्य करुन जगतापांनी थेट मुस्लिम दुकानदारांवर बहिष्कार घालण्याचं आवाहन केलंय...

तर संग्राम जगतापांनी केलेलं वक्तव्य देशाच्या फाळणीचा प्रकार असल्याचा हल्लाबोल समाजवादी पक्षाचे नेते आबू आझमींनी केलंय..तर मत्स्य संवर्धन व बंदरे विकास मंत्री नितेश राणेंनी आमदार संग्राम जगतापांची पाठराखण केलीय.. खरंतर अजित पवार महायुतीत सहभागी झाल्यानंतर संघ आणि भाजपच्या कट्टर विचारांशी कधीही जवळीक साधली नाही... एवढंच नाही तर अजित पवारांनी संघाच्या बौद्धिकाला आणि संघाच्या मुख्यालयाची पायरी न चढून पुरोगामी विचारधारेवर ठाम असल्याचा संदेश दिला... मात्र आता अजित पवारांच्या राष्ट्रवादीचे आमदार संग्राम जगतापांनाही वारंवार समज देऊनही त्यांनी पुन्हा धार्मिक धृवीकरणाच्या विष प्रयोगाचं आवाहन केलंय.. त्यामुळे अजित पवारांनी संग्राम जगतापांना कारणे दाखवा नोटीस पाठवण्याचं जाहीर केलंय..

ऐन महापालिका निवडणुकीच्या तोंडावर महाराष्ट्रात धार्मिक धृवीकरणाचे प्रकार सुरु झालेत.. मात्र असाच प्रकार उत्तर प्रदेशात कावड यात्रेदरम्यान झाला होता.. कावड मार्गावर मुस्लीम व्यापाऱ्यांकडून खरेदी न करण्याचं आणि प्रत्येक दुकानावर दुकानदाराचं नाव लिहीणं योगी सरकारने बंधनकारक केलं होतं.. मात्र सुप्रीम कोर्टाने योगी सरकारला जोरदार चपराक लावत हा देश धर्मनिरपेक्ष असल्याची आठवण करुन दिली... आता महाराष्ट्रात ऐन दिवाळीच्या आणि पालिका निवडणुकांच्या तोंडावर धार्मिक धृवीकरणाचा प्रकार केला जात असल्याने न्यायालय असा बेबंद नेत्यांना चाप लावण्यासाठी ठोस भुमिका घेणार का? याबरोबरच कारणे दाखवा नोटीशीनंतरही संग्राम जगताप अजित पवारांच्या सूचना ऐकणार की मुस्लिम विरोधी वक्तव्यांचं गुऱ्हाळ सुरुच ठेवणार? याकडे राज्याचं लक्ष लागलंय..