मुंबईसह राज्यातील 29 महापालिकांच्यामध्ये महापौरपदाचं आरक्षण सोडत जाहीर झाले आहे. मुंबई, पुणे, नागपूर या महत्त्वाच्या महापालिकांमध्ये महापौरपदासाठी सर्वसाधारण महिला प्रवर्गाचं जाहीर झाले आहे. 29 महापालिकांपैकी 15 महापालिकांमध्ये महिलांना महापौर पदावर संधी मिळणार आहे.

मुंबई, नागपूर, पुणे, नवी मुंबईसह 9 महापालिकांमध्ये सर्वसाधारण महिला प्रवर्गासाठी महापौर पदाचं आरक्षण जाहीर झाले आहे. पंधरा महापालिकांचं महापौरपद महिलांसाठी राखीव आहे. त्या 15 पैकी अनुसूचित जाती प्रवर्गातील महिला २ महापालिकांमध्ये महापौर असतील. अनुसुचित जाती महिला प्रवर्गासाठी लातूर आणि जालना या महापालिकांसाठी महापौरपदाचे आरक्षण असेल.

राज्यातील 8 महापालिकांमध्ये ओबीसी प्रवर्गाचे महापौर होतील. त्यापैकी चार महापौर ओबीसी महिला प्रवर्गासाठी राखीव असणार आहेत. अकोला, चंद्रपूर, अहिल्यानगर आणि जळगाव येथे ओबीसी प्रवर्गातील महिलांना महापौर होतील. तर 17 महापालिकांमध्ये सर्वसाधारण प्रवर्गातील महापौर होतील. यातील 9 महापालिकांमध्ये महिलांना महापौर पदावर संधी मिळेल. मालेगाव, पुणे, धुळे, मुंबई , नांदेड-वाघाळा,नवी मुंबई, नागपूर, मिरा भाईंदर नाशिक महापालिकेत सर्वसाधारण प्रवर्गातील महिला महापौरपदावर बसतील.

अनसुचित जाती प्रवर्गातील महिला आरक्षण

जालना, लातूर

ओबीसी महिला

अहिल्यानगर, अकोला, जळगाव, चंद्रपूर

सर्वसाधारण महिला प्रवर्ग आरक्षण

पुणे, धुळे, मुंबई, नवी मुंबई, नांदेड, मालेगाव, मिरा भाईंदर, नागपूर, नाशिक

महिलाराज कोणकोणत्या महापालिकांमध्ये असणार?

छत्रपती संभाजीनगर: सर्वसाधारण

नवी मुंबई: सर्वसाधारण (महिला)

वसई- विरार: सर्वसाधारण

कल्याण- डोंबिवली: अनुसूचित जमाती

कोल्हापूर: ओबीसी

नागपूर: सर्वसाधारण (महिला)

बृहन्मुंबई: सर्वसाधारण (महिला)

सोलापूर: सर्वसाधारण

अमरावती: सर्वसाधारण

अकोला: ओबीसी (महिला)

नाशिक: सर्वसाधारण (महिला)

पिंपरी- चिंचवड: सर्वसाधारण

पुणे: सर्वसाधारण (महिला)

उल्हासनगर: ओबीसी

ठाणे: अनुसूचित जाती

चंद्रपूर: ओबीसी (महिला)

परभणी: सर्वसाधारण

लातूर: अनुसूचित जाती (महिला )

भिवंडी- निजामपूर: सर्वसाधारण

मालेगाव: सर्वसाधारण (महिला)

पनवेल: ओबीसी

मीरा- भाईंदर: सर्वसाधारण (महिला)

नांदेड- वाघाळा: सर्वसाधारण (महिला)

सांगली- मिरज- कुपवाड: सर्वसाधारण

जळगाव: ओबीसी (महिला)

अहिल्यानगर: ओबीसी (महिला)

धुळे: सर्वसाधारण (महिला)

जालना: अनसूचित जाती (महिला)

इचलकरंजी: ओबीसी