Maharashtra Rain Update: गेल्या काही दिवसांपासून राज्यातून गायब झालेला पाऊस पुन्हा परतणार आहे. राज्यातील विविध भागांमध्ये आज मुसळधार पाऊस कोसळण्याचा अंदाज हवामान खात्याने वर्तवला आहे. तसेच राज्यातील पाच जिल्ह्यांसाठी ऑरेंज अलर्टही जारी करण्यात आला आहे. (Maharashtra Heavy Rain)

याबाबत सविस्तर माहिती अशी की, सध्या बंगालच्या उपसागरात कमी दाबाचा पट्टा तयार आहे. त्यामुळे आज पूर्व विदर्भात मुसळधार पावसाचा (Heavy Rain) इशारा हवामान विभागाने दिला आहे. हवामान विभागाच्या सुचनेनुसार, गोंदिया (Gondia) , भंडारा (Bhandara), चंद्रपूर, नागपूर (Nagpur) आणि गडचिरोली या पाच जिल्ह्यांसाठी ऑरेंज अलर्ट जारी करण्यात आला आहे. आज पूर्व विदर्भात मुसळधार पाऊस होण्याची शक्यता हवामान खात्याने वर्तवली आहे.

सुरूवातीला हवामान खात्याने या जिल्ह्यांना यलो अलर्ट दिला होता. मात्र बदलत्या हवामानानुसार ऑरेंज अलर्ट जारी करण्यात आला. येत्या २५ ऑगस्टपर्यंत राज्याच्या विविध भागात पाऊस पुर्णपणे सक्रिय होईल.. असे हवामान खात्याकडून सांगण्यात येत आहे.

दरम्यान, यंदा राज्यात अद्यापही म्हणावा तसा पाऊस पडलेला नाही. राज्यातील अनेक भागांत पाऊसाच्या सरी कोसळला असला तरी अद्याप काही भाग लहानलेलाच आहे. अनेक जिल्ह्यांमध्ये सरासरीपेक्षा कमी पाऊस पडल्याने बळीराजा चिंतेत आहे. पावसाने दडी मारल्यामुळे खरीप हंगामही धोक्यात आहे. आगामी काळात पाऊस न पडल्यास अनेक भागांमध्ये पाणी टंचाईचीही शक्यता वर्तवली जात आहे. (Latest Marathi News)