शक्ती चक्रीवादळाच्या पार्श्वभूमीवर कोकण किनारपट्टीला प्रशासनाकडून अलर्ट देण्यात आला आहे. 7 ऑक्टोबर पर्यंत या वादळाचा प्रभाव राहणार असल्यामुळे मच्छिमार व किनारपट्टीवरील नागरीकांना सतर्क राहण्याच्या सुचना देण्यात आल्या आहेत. सध्या दोन नंबरचा बावटा सिंधुदुर्ग किनारपट्टीला देण्यात आला आला आहे. त्यामुळे समुद्रात मासेमारीसाठी गेलेल्या मच्छिमारांनी माघारी फिरण्याच्या सुचना देखील देण्यात आल्या आहेत.
कोण बोलत आहे का यावर. याचे पूर्ण गुजरातीकरण झाले आहे. यात नोकरी मध्ये मराठी माणसाला स्थान नाही. मनसे आणि शिवसेना आंदोलन करणार. राज ठाकरे आणि आमची चर्चा झाली.संजय राऊत
अमरावती मॅरॉथॉन असोशिएशन व्दारे आज आयोजित आठव्या अमरावती मॅरॉथन स्पर्धेमध्ये अमरावतीसह, राज्यातील व राज्याबाहेरील तीन हजाराहून अधिक धावकांनी सहभाग नोंदविला, ही मॅरॉथॉन २१ किलोमीटर,१० किलोमीटर व पाच किलोमीटर च्या अंतरासाठी आयोजित करण्यात आली होती, तर फिटनेस रन सर्वाकरिता तसेच पाच किलोमीटर मुलांकरीता या प्रकारात पार पडली . यावेळी हजारो स्पर्धक अमरावतीच्या रस्त्यावर या स्पर्धेमध्ये धावताना दिसून आले..
सांगली जिल्ह्यातील आटपाडीचे जावई शिवाजी पवार यांनी दसऱ्याच्या मुहूर्तावर नवीन हेलिकॉप्टरची खरेदी केली.. त्याच्या पूजनासाठी ते थेट सासरवाडीत हेलिकॉप्टर घेऊन आले.. आटपाडीच्या जावयाच्या या आगळ्यावेगळ्या कर्तुत्वाचे परिसरात चांगलीच चर्चा रंगली होती..
दसऱ्याच्या मुहूर्तावर आईसाठी दागिने घेण्यासाठी गेलेल्या एका 28 वर्षांच्या बांधकाम व्यावसायिकाची 2 लाख 85 हजार रुपयांची रोकड चोरट्यांनी भरदिवसा पळवली. छत्रपती संभाजी नगर शहरातल्या क्रांती चौक-उस्मानपुरा रस्त्यावरील एका शोरूमबाहेर घडलेल्या या धाडसी चोरीमुळे शहराच्या सुरक्षिततेवर प्रश्नचिन्ह निर्माण झाले आहे. हा सर्व प्रकार शोरूममधील सीसीटीव्ही कॅमेऱ्यात कैद झाला आहे. कपिल खंडागळे यांच्या तक्रारीवरून उस्मानपुरा पोलिसांनी अज्ञात चोरट्यांविरुद्ध गुन्हा दाखल करण्यात आला असून सणासुदीच्या काळात झालेल्या या घटनेमुळे पोलिसांच्या कार्यक्षमतेवर प्रश्नचिन्ह निर्माण झाले आहे.
नांदेड जिल्ह्यात झालेल्या अतिवृष्टीमुळे शेतकऱ्यांचे प्रचंड नुकसान झाले आहे. सोयाबीन, कापूस या पिकासह केळीला देखील मोठा फटका बसला. नांदेडच्या अर्धापूरची केळी देश,विदेशात प्रसिद्ध आहे.अर्धापूर, मुदखेड आणि नांदेड या तालुक्यात केळीचे सर्वाधिक पीक घेतले जाते.परंतु नांदेड जिल्ह्यात झालेल्या अतिवृष्टीमुळे काढणीला आलेल्या केळीवर परिणाम झाला. परिणामी केळीचे भाव पडले. दोन महिन्यापूर्वी केळीला प्रतिक्विंटल 2 हजार ते 2 हजार 200 भाव मिळाला होता. परंतु आता केळीला केवळ 300 ते 400 रुपये प्रतिक्विंटल भाव मिळतोय. त्यामुळे शेतकऱ्यांचा केळी लागवडीचा खर्च देखील यातून निघणे अवघड झाले आहे.सततच्या पावसामुळे केळीवर रोगाचा प्रादुर्भाव झाला.नांदेड येथून देशातील इतर राज्यांमध्ये होणारी केळीची निर्यात थांबली. ऐन सणासुदीच्या काळात केळीला कवडीमोल भाव मिळत असल्याने केळी उत्पादक शेतकरी मोठ्या आर्थिक संकटात सापडला आहे.
गौतमी पाटीलच्या वाहनाचा अपघात प्रकरण
अपघातावेळी चालकाने मद्य प्राशन केले नसल्याचे स्पष्ट
चालकाचा वैद्यकीय अहवालातून माहिती समोर
अपघातावेळी गौतमी पाटीलच्या चालकाने मद्य प्राशन केले नसल्याचे आता स्पष्ट
पुण्यातील वडगाव बुद्रुक परिसरात गौतमी पाटीलच्या कार चालकाने एका रिक्षाला दिली होती धडक
अपघातात रिक्षा चालक जखमी तर पोलिसांनी चालकाला केली अटक
कुरियरचे काम करणारे चंद्रशेखर त्र्यंबक पाटील यांच्या घरावर हल्ला झाला आहे, हल्ला झाला त्यावेळी पाटील कुटुंब घरात जेवण करत होते
*यादरम्यान हल्लेखोरांनी घराबाहेर उभी असलेली दुचाकीची तोडफोड केली. त्यानंतर घराच्या दिशेने गोळीबार करत ३ राउंड फायर केले
*पोलिसांना घराबाहेर बंदुकीच्या गोळीच्या २ रिकामी पुंगळी आणि घरामध्ये १ पुंगळी मिळाली असून ती जप्त करण्यात आली आहे
पोलिसांनी पंचनामा करून तपास सुरू केला आहे. हल्लेखोरांचा शोध घेण्यासाठी पोलीस पथकं रवाना झाली आहेत.
*हल्ल्यामागचं नेमकं कारण अद्याप स्पष्ट झालेलं नाही., या घटनेने पाटील कुटुंबाला मोठा धक्का बसला आहे
उपमुख्यमंत्री एकनाथ शिंदे यांच्या उपस्थितीत बूथ प्रमुख आणि कार्यकर्ता मेळावा
आगामी महापालिका निवडणुकीच्या पार्श्वभूमीवर ठरणार शिंदे सेनेची रणनीती
नाशिक महापालिका निवडणुकीच्या पार्श्वभूमीवर भाजप पाठोपाठ शिंदे शिवसेनेने दंड थोपटले असून आज हॉटेल डेमोक्रसीमध्ये उपमुख्यमंत्री एकनाथ शिंदे बूथ प्रमुख आणि कार्यकर्ता मेळावा घेणार आहेत. नाशिक महापालिकेची निवडणूक स्वबळावर लढण्याची भाजपची तयारी असून कुंभमेळा मंत्री गिरीश महाजन यांनी शंभर प्लसचा नारा दिलाय. त्यामुळे शिंदेंच्या शिवसेनेची अस्वस्थता वाढली असून त्यांनी देखील स्वबळावर निवडणूक लढण्याची तयारी सुरू केलीय. सध्या ३१ प्रभागांमधील १२२ जागांसाठी पॅनल निर्मितीला वेग आलाय. यापूर्वी शिंदेसेनेने अन्य पक्षांतील काही नेते गळाला लावलेत. त्यामुळे आता भाजपला उत्तर देण्यासाठी हा बूथ प्रमुख आणि कार्यकर्ता मेळावा महत्वाचा मानला जातोय. एकनाथ शिंदे आज पदाधिकारी, कार्यकर्त्यांना काय कानमंत्र देतात, हे पाहणं महत्त्वाचं असणार आहे.
जालन्यात एका चिमुकल्याने खाऊचे पैसे पूरग्रस्तांसाठी दिले आहे. खाऊसाठी जमा केलेले जवळपास पाच हजार रुपये या चिमुकल्याने अंबड तहसीलदारांकडे सुपूर्द केले आहेत. शिवराज मुळे असे या चिमुकल्याचं नाव आहे. जालना जिल्ह्यामध्ये अतिवृष्टीमुळे अनेक शेतकऱ्यांचा खरीप पिकाचे अतोनात नुकसान झालं आहे तर जालन्यातील गोदाकाठच्या परिसरामध्ये पूरस्थिती निर्माण झाल्याने तेथील नागरिकांच्या घरात पाणी शिरल्याने संसार उघड्यावर आले आहे. त्यामुळे शेतकऱ्यांना मदत म्हणून या चिमुकल्याने वर्षभर खाऊ साठी जमा केलेले जवळपास पाच हजार रुपये पूरग्रस्तांच्या मदतीसाठी अंबड तहसीलदारांकडे सुपूर्द केले आहे..
प्रभाग रचना अंतिम झाल्याने इच्छुक उमेदवारांच्या नजरा आता आरक्षणाच्या सोडतीकडे
प्रशासनाकडे ५ हजार ९२२ हरकती सूचना नोंदविल्या गेल्या. त्यावर राज्य शासनाकडून प्राधिकृत केलेल्या अधिकाऱ्यांमार्फत दोन दिवस सुनावणी झाली
त्यानंतर प्रभाग रचनेतील बदलांसह त्याचा अहवाल राज्य शासनास सादर झाला आणि त्यास निवडणूक आयोगाकडून मान्यता दिल्यानंतर अंतिम प्रभाग रचना जाहीर करण्यात आली
५९२२ हरकती आणि सूचनांपैकी ४५२४ हरकती सूचना झाल्या अमान्य
१३२९ हरकती झाल्या मान्य तर ६९ हरकती अंशतः मान्य
प्रभाग क्रमांक १,१४,१५, १७, २०, २४, २६ आणि ३८ यांचे नावे बदलली
पुणे शहरातील आठ प्रभागांची नावे बदलली
प्रभाग क्रमांक -- बदललेले नाव --जुने नाव
१ -- कळस-धानोरी-लोहगाव उर्वरित -- कळस-धानोरी
१४ -- कोरेगाव पार्क-घोरपडी- मुंढवा-- कोरेगाव पार्क-मुंढवा
१५ -- मांजरी बुद्रूक-केशवनगर-साडेसतरा नळी --मांजरी बुद्रूक- साडेसतरा नळी
१७ -- रामटेकडी-माळवाडी-वैदुवाडी --रामटेकडी- माळवाडी
२० --शंकर महाराज मठ-बिबवेवाडी--बिबवेवाडी-महेश सोसायटी
२४ -- कसबा गणपती-कमला नेहरू हॉस्पिटल - केईएम रुग्णालय -- कमला नेहरू रुग्णालय- रास्ता पेठ
२६ -- घोरपडे पेठ-गुरुवार पेठ-समताभूमी -- गुरुवार पेठ-घोरपडे पेठ
३८-- बालाजी नगर-आंबेगाव-कात्रज -- आंबेगाव-कात्रज
अरबी समुद्रात कमी दाबाचा पट्टा निर्माण झाल्यामुळे शक्ती चक्रीवादळचा तडाखा पालघरच्या पश्चिम किनारपट्टी भागात बसणार असल्याची शक्यता हवामान खात्याकडून वर्तवण्यात आली आहे . सध्याचा या वादळाचा परिणाम पालघर जिल्ह्यात जरी जाणवत नसला तरी मच्छीबार बांधवांनी सतर्क राहण्याच आवाहन जिल्हा प्रशासनाकडून करण्यात आलं आहे .पाच , सहा आणि सात ऑक्टोबर असे तीन दिवस या वादळाचे परिणाम पश्चिम किनारपट्टी भागाला जाणवू शकतात असा अंदाज हवामान विभागाने वर्तविला आहे. त्यामुळे पालघर जिल्हा प्रशासन , कोस्ट गार्ड आणि महाराष्ट्र मेरीटाईम बोर्ड सध्या अलर्ट मोडवर असल्याच दिसून येत आहे.
केंद्रीय गृह तथा सहकार मंत्री अमित शाह यांचा अहिल्यानगर जिल्हा दौरा...
आज सकाळी 11 वाजता शिर्डीत साई दर्शनाने होणार दौऱ्याची सुरुवात...
मुख्यमंत्री, दोन्ही उपमुख्यमंत्र्यासह राज्यातील अनेक मंत्री शाह यांच्या सोबत...
शाह यांच्या उपस्थितीत लोणी आणि कोपरगाव याठिकाणी विविध कार्यक्रमांचे तसेच शेतकरी मेळाव्याचे आयोजन...
शाह यांच्या स्वागतासाठी शिर्डी, लोणीसह कोपरगाव झाले भगवेमय...
आजच्या दौऱ्यात अमित शाह राज्यासाठी काही मोठी घोषणा करणार का?.. याकडे लक्ष...
बुलढाणा जिल्ह्यातील संग्रामपूर तहसील कार्यालयावर धनगर समाजाला आरक्षण द्यावे या प्रमुख मागणीसाठी तालुक्यातील तमाम धनगर समाजाच्या वतीने माेर्चा काढण्यात आला.या वेळी मोर्चात तालुक्यातील शेकडो धनगर समाजबांधव सहभागी झाले होते. धनगर समाजाला हक्काचं आरक्षण द्या अन्यथा तीव्र आंदोलन करू असा इशारा यावेळी देण्यात आला. धनगर समाजाला अनुसूचित जमाती प्रवर्गातून आरक्षणाची अंमलबजावणी करावी, या मागणीसाठी धनगर समाज बांधवांच्यावतीने मोर्चा काढण्यात आला...या मोर्चात मोठ्या संख्येने समाजातील नवयुवक, महिला, अबाल वृद्ध असे अनेक समाज बांधव सहभागी झाले होते...
लक्ष्मण हाके यांची पुन्हा आंदोलनाची हाक
मुख्यमंत्र्यांच्या ओबीसी नेत्यांच्या बैठकीला बोलवलं नसल्याने लक्ष्मण हाके उद्या जेजुरीतून आंदोलनाची हाक देणार
हजारो तरुणाने ओबीसी लढा साठी उद्या जेजुरी गडावर येण्याचं केलं हाके यांनी आवाहन
लक्ष्मण हाके उदया जेजुरी गडावर ओबीसी आंदोलनाची तळी उचलणार
आपल्यावर अन्याय अत्याचार करणाऱ्या ओबीसी समाज बांधवांनी एकत्र येऊन आंदोलनाची तळी उचलू या लक्ष्मण हाके यांचे तरुणांना आवाहन
पुणे पोलिसांकडून गुन्हेगारी टोळींचे होणार "आर्थिक ऑडिट"
पुणे पोलिसांकडून गुन्हेगारी टोळींवर कारवाईचा बडगा उगारला जाणार
पुण्यातील टिपू पठाण, गजा मारणे घायवळ तसेच इतर गँग च्या मालमत्तेची चौकशी होणार
शहरातील कुख्यात गुंड टोळ्यांच्या मालमत्तेची मोजमाप करून त्याच्या आर्थिक गदा आणण्याचा पुणे पोलिसांनी आराखडा तयार
गुंड डोळ्यावर मर्यादित कारवाई करण्याऐवजी आता आर्थिक दृष्ट्या कुमकवत करण्याचा निर्णय पुणे पोलिसांनी घेतला आहे
पुणे पोलिसांनी विशेष मोहीम सुरू केली असून डोळ्याची मालमत्ता उत्पन्नाचे स्त्रोत आणि काळा पैसा याच बारकाईने तपास करण्यात येणार आहे
सरकार मान्यता प्राप्त व्यालीवरची नेमणूक करून त्याच्या स्थावर मालमत्ता चे मूल्यांकन करण्यात येणार आहे
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.