मध्य महाराष्ट्रात थंडीची लाट कायम आहे. राज्यात आज अंशतः ढगाळ हवामानासह हुडहुडी कायम राहण्याचा अंदाज आहे. तर मध्य महाराष्ट्रात थंडीच्या लाटेच्या शक्यतेमुळे सतर्कतेचा इशारा कायम असल्याचे हवामान विभागाने म्हटले आहे.

बुलढाणा जिल्ह्यात 10 नगरपालिकेच्या अध्यक्ष आणि 122 प्रभागाचे नगरसेवक निवडण्यासाठी सकाळी मतदान प्रक्रियेला सुरुवात झाली बुलढाणा शहरातील गांधी प्राथमिक शाळेमध्ये असलेल्या मतदान केंद्रावर दुसऱ्याच्या नावावर बोगस मतदान करण्यासाठी आलेल्या तिघा जणांविरुद्ध गुन्हा नोंद करण्यात आला आहे तसेच शासकीय तंत्रनिकेतन केंद्र येथील मतदान केंद्रावर दुसऱ्याच्या नावावर मतदान करण्यासाठी आलेल्या व्यक्तीला नागरिकांनी पकडले त्याला पोलीस ताब्यात घेत असतानाच त्यास पळून जाण्यास मदत केली व शासकीय कामात अडथळा आणला याप्रकरणी आमदार संजय गायकवाड यांचा मुलगा व या प्रभागाचा उमेदवार कुणाल गायकवाड आणि पुतण्या श्रीकांत गायकवाड यांच्या विरुद्ध बुलढाणा शहर पोलीस स्टेशन मध्ये सरकारी कामात अडथळा आणल्या प्रकरणी गुन्हा नोंद करण्यात आला आहे