मुंबई : जगातील सर्वात मोठ्या लोकशाही असणाऱ्या भारतात लोकसभा निवडणुकीची मतदान प्रक्रिया पूर्ण झाली आहे. देशात दुसऱ्या क्रमांकाच्या जागा असणाऱ्या महाराष्ट्राकडे साऱ्या देशाचं लक्ष लागलं आहे. राज्यात ४८ लोकसभा मतदारसंघ असून कोणत्या पक्षाला किती जागा मिळणार, याबाबत सर्वांच्या मनात उत्सुकता आहे. याचदरम्यान राज्यातील एक्झिट पोलचे अंदाज समोर आले आहेत. राज्यात काही एक्झिट पोलमध्ये महाविकास आघाडीला सर्वाधिक जागा दाखवत आहेत. तर काही पोलमध्ये महायुतीला सर्वाधिक जागा दाखवण्यात येत आहे. त्यामुळे खरा निकाल ४ जूनला समोर येणार आहे.

पोल ऑफ पोल

महायुती - २६

महाविकास आघाडी - २१

इतर - ०१

टीव्ही ९ पोलस्टॅट

महायुती - २२

महाविकास आघाडी - २५

इतर - १

चाणक्य

महायुती - ३३

महाविकास आघाडी - १५

इतर - ००

एबीपी- सीव्होटर

महायुती - ३३

महाविकास आघाडी - २३

इतर - ००

महाराष्ट्राचा पोल ऑफ पोल

भाजप - १७

शिवसेना शिंदे - ७

अजित पवार गट - १

काँग्रेस - ८

शिवसेना ठाकरे - ९

राष्ट्रवादी पवार गट - ७

महायुतीचा ४५ पारचा नारा हुकणार?

दरम्यान, टीव्ही ९ पोलस्ट्रॅटनुसार, कोल्हापुरात शाहू महाराज आघाडीवर आहेत. त्यामुळे कोल्हापुरात संजय मंडलिक पिछाडीवर आहेत. उत्तर मध्य मुंबईतून वर्षा गायकवाड आघाडीवर आहेत. तर उज्ज्वल निकम पिछाडीवर आहेत. उत्तर पश्चिम मुंबईतून अमोल कीर्तिकर आघाडीवर आहेत. महायुतीने राज्यात ४५ पारचा नारा दिला होता, मात्र, एक्झिट पोलच्या अंदाजामुळे त्यांना नारा हुकण्याची शक्यता आहे. एबीपी सी-व्होटरने महाविकास आघाडीला २०-२३ जागा मिळण्याची शक्यता व्यक्त केली आहे.