>>सुशांत सावंत

Maharashtra Budget session : केंद्रीय अर्थमंत्री निर्मला सीतारामन यांनी 1 फेब्रुवारी रोजी देशाचा अर्थसंकल्प सादर केला. त्यानंतर आता अर्थसंकल्प ९ मार्च रोजी सादर होणार आहे. अर्थसंकल्पीय अधिवेशन २७ फेब्रुवारी ते २५ मार्च दरम्यान होणार आहे. प्रथमच मुख्यमंत्री एकनाथ शिंदे आणि वित्तमंत्री देवेंद्र फडणवीस यांचं सरकार अर्थसंकल्प सादर करणार आहे.

दोन्ही सभागृहांमध्ये यापुढे प्रत्येक अधिवेशनात पहिल्या दिवशी “वंदे मातरम्’ आणि त्यानंतर “जय जय महाराष्ट्र माझा” हे राज्य गीत वाजवले किंवा गायले जाणार आहे. महाराष्ट्र राज्याचे राज्यगीत म्हणून नुकतीच “जय जय महाराष्ट्र माझा, गर्जा महाराष्ट्र माझा” गीताला मंजुरी मिळाली आहे. आता त्यामुळे आता या अर्थसंकल्पीय अधिवेशनात देखील ते वाजणार आहे.

कविवर्य राजा निळकंठ बढे यांच्या गीतामधील दोन चरणांचे गीत “महाराष्ट्राचे राज्यगीत” म्हणून वाजणार आहे. या गीताचा अवधी १ मिनिट ४१ सेकंद असेल. हे राज्यगीत १ मिनिट ४१ सेकंदांत गायले किंवा बँडवर वाजवले जाईल आहे.

ही चरणे वाजवली किंवा गायली जातील

“जय जय महाराष्ट्र माझा, गर्जा महाराष्ट्र माझा”

जय जय महाराष्ट्र माझा, गर्जा महाराष्ट्र माझा”

जय जय महाराष्ट्र माझा, गर्जा महाराष्ट्र माझा

जय जय महाराष्ट्र माझा, गर्जा महाराष्ट्र माझा || धृ ||

भिती न आम्हा तुझी मुळी ही गडगडणाऱ्या नभा

अस्मानाच्या सुलतानीला जबाब देती जिभा

सह्याद्रीचा सिंह गर्जतो शिव शंभू राजा

दरीदरीतून नाद गुंजला महाराष्ट्र माझा

जय जय महाराष्ट्र माझा, गर्जा महाराष्ट्र माझा ॥१॥

काळ्या छातीवरी कोरली अभिमानाची लेणी

पोलादी मनगटे खेळती, खेळ जीव घेणी

दारिद्रयाच्या उन्हात शिजला

निढळाच्या घामाने भिजला

देश गौरवासाठी झिजला

दिल्लीचे ही तख्त राखितो, महाराष्ट्र माझा

जय जय महाराष्ट्र माझा, गर्जा महाराष्ट्र माझा

जय जय महाराष्ट्र माझा ॥ २ ॥