महाराष्ट्र नेमका कुणाचा? राज्यात महाविकास आघाडीची सत्ता येणार की महायुतीची सत्ता येणार? असा प्रश्न सर्वांना पडला आहे. निवडणुकीच्या निकालाकडे सर्वांचे लक्ष लागले आहे. निकाल हाती येण्यासाठी अवघे काही तास शिल्लक राहिले आहेत. अशामध्ये आता सकाळने केलेल्या एक्झिटपोलनुसार राजुरा विधानसभा मतदारसंघामध्ये कोणता उमेदवार विजयी होणार हे आपण जाणून घेणार आहोत....

चंद्रपूर जिल्ह्यातील सहा विधानसभा मतदारसंघामध्ये राजुरा हा एक विधानसभा मतदारसंघ आहे. या मतदारसंघाकडे सर्वांचे लक्ष लागले आहे. सकाळच्या एक्झिट पोलनुसार, राजुरा विधानसभा मतदारसंघामध्ये परिवर्तन महाशक्ती म्हणजे अपक्ष उमेदवाराचे पारडं जड दिसत आहे. या मतदारसंघामध्ये वानराव चटप आणि काँग्रेसच्या सुभाष धोटे यांच्यामध्ये प्रमुख लढत झाली. या मतदारसंघामध्ये अपक्ष उमेदवार वामनराव चटप हे संभाव्य आमदार होण्याची शक्यता व्यक्त केली जात आहे. वामनराव चटप हे सुभाष धोटे यांचा पराभव करण्याची शक्यता आहे.

राजुरा विधानसभा मतदारसंघ हा आदिवासी बहुल असून तेलंगणाच्या सीमेला लागलेला आहे. या मतदारसंघामध्ये काँग्रेसने सुभाष धोटे, भाजपने देवराव भोंगडे आणि परिवर्तन महाशक्तीने वामनराव चटप यांना निवडणुकीच्या रिंगणात उतरवले. खऱ्या अर्थाने या मतदारसंघात तिरंगी लढत झाली. पण या मतदारसंघामध्ये खरी लढत वामनराव चटप आणि सुभाष धोटे यांच्यात झाली. या मतदारसंघात वानराव चटप यांनी जोरदार प्रचार केला. ही त्यांची शेवटची निवडणूक असल्याचे म्हटले जात आहे. या मतदारसंघामत वानराव चटप यांचे पारडे जड असल्यामुळे ते या मतदारसंघातून विजयी होण्याची शक्यता आहे.