तबरेज शेख

NashiK News : भारतात नववर्षाच्या जल्लोषाला अवघे काही तासच शिल्लक राहिले आहे. भारतात यंदा कोरोनाचे नियम काही प्रमाणात शिथिल असल्याने तरुणाई मोठ्या प्रमाणात जल्लोष करताना दिसणार आहे. तरुणाईमध्ये जल्लोष करताना मद्याचा सामावेश विशेष असतो. मात्र, मद्यामुळे होणारे दुष्पपरिणाम पाहता महाराष्ट्र अंधश्रद्धा निर्मुलन समितीच्या वतीने आगळावेगळा उपक्रम राबवणार आहे. या उपक्रमाची सर्वत्र चर्चा आहे. (Latest Marathi News)

राज्यासहित नाशिककरही सरत्या वर्षाला निरोप देऊन नववर्षाचे स्वागत करण्यासाठी सज्ज झाले आहे. त्यासाठी हॉटेल्स, रेस्टॉरंट, रिसॉर्ट अशा ठिकाणी तरुणाई जल्लोष करणार आहे. तर दुसरीकडे महाराष्ट्र अंधश्रद्धा निर्मुलन समितीच्या वतीने नाशिकमध्ये आगळावेगळा उपक्रम राबविण्यात येणार आहे.

नववर्षाचे स्वागत करण्यासाठी तरुणाईकडून मोठ्या प्रमाणावर मद्यपान केले जाते. मात्र अंनिस कडून मद्याला विरोध करून मोफत दूधाचे वाटप करण्यात आले आहे. शहराच्या मध्यवर्ती भागात असलेल्या हुतात्मा स्मारक इथं हा अभिनव घेण्यात आला आहे. 'द म्हणजे दारूचा नव्हे तर द म्हणजे दुधाचा' हा व्यसनमुक्तीचा संदेश महाराष्ट्र अंधश्रद्धा निर्मूलन समितीकडून देण्यात आला आहे.

दरम्यान, यावेळी "नो व्हिस्की नो बियर, हॅपी न्यु इयर" अशा घोषणाही देण्यात आल्या आहे. महाराष्ट्र अंधश्रद्धा निर्मूलन समितीच्या या आगळ्यावेगळ्या उपक्रमाची सर्वत्र चर्चा आहे.

पुण्यात मनसेकडूनही दूधवाटप

पुण्यात मनसेकडून दारूदुकानांसमोर दुधवाटप सुरू आहे. ‘दारू नको दूध प्या’ चे आवाहन मनसेकडून नागरिकांना करण्यात येत आहे. मनसेने पुण्यातील विविध भागात दारुदुकानांसमोरच दूध वाटले आहे.