Pankaja Munde vs Mahavikas Aaghadi

लोकसभा निवडणुकीचे पडघम वाजू लागले असून भाजपने आपल्या उमेदवारांच्या पहिल्या दोन यादी जाहीर केल्या आहेत. या यादीत पंकजा मुंडे यांचं नाव असून त्यांना बीड लोकसभेसाठी महायुतीकडून उमेदवारी देण्यात आली आहे. त्यामुळे पंकजा मुंडे यांच्याविरोधात महाविकास आघाडीचा उमेदवार कोण असणार? याकडे संपूर्ण राज्याचं लक्ष लागून आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान, पंकजा मुंडेंविरोधात (Pankaja Munde) तुल्यबळ उमेदवार देण्यासाठी महाविकास आघाडीने प्लान आखला आहे. आज महाविकास आघाडीची बैठक होणार असून या बैठकीत उमेदवाराच्या नावाची घोषणा होण्याची शक्यता आहे. बीडच्या जागेवर मविआकडून राष्ट्रवादी शरद पवार गट दावा करत आहे. (Latest Marathi News)

शरद पवार गटात इच्छुकांची संख्या जास्त असली तरी मोजक्याच लोकांशी चर्चा केली जात असल्याचे सूत्रांकडून माहिती मिळाली आहे. २०१९ मध्ये या जागेवर राष्ट्रवादी काँग्रेसने निवडणूक लढवली होती. त्यामुळे या निवडणुकीतही (Lok Sabha Election 2024) जागा आपल्यालाच मिळावी, अशी मागणी शरद पवार गटाचे कार्यकर्ते करीत आहेत.

त्यामुळेच आज खासदार शरद पवार, प्रदेशाध्यक्ष जयंत पाटील यांच्या उपस्थितीत बीडचा उमेदवार ठरविण्यासाठी बैठक घेतली जाणार आहे. आता यात कोणाच्या गळ्यात उमेदवारीची माळ पडते ? याकडे लक्ष लागले आहे.

दरम्यान, शरद पवार गटाकडून डॉ. नरेंद्र काळे, प्रा. ईश्वर मुंडे, सुशीला मोराळे, रविकांत राठोड हे इच्छूक आहेत. तर डॉ. अशोक थोरात, डॉ. ज्योती विनायकराव मेटे, बजरंग सोनवणे यांच्याही नावाची चर्चा सुरू आहे.

Edited by - Satish Daud-Patil