लातूर : उन्हाळ्याच्या दिवसात अंत्यविधीला जाणाऱ्या लोकांचे उन्हामुळे हाल होतात. ओसाड स्मशानभूमीला वनराईने समृद्ध करण्याचा निर्धार लातूर जिल्ह्यातील चाकूर तालुक्यातील हाळी खुर्द येथील नेहरू युवा मंडळासह विविध संघटनेच्या व गटाच्या महिलांनी केला आहे. याचाच एक भाग म्हणून डोंगराळ जमिनीवर झाडे लावून गावातील महिलांनी नवीन वर्षाचे स्वागत केले आहे.

हे देखील पहा :

वाळवंट जमिनीला हरित करण्यासाठी सार्वजनिक स्मशानभूमीत झाडे लावून निर्धाराच्या दिशेनं पहिलं पाऊल टाकण्यात आलं आहे. लातूर जिल्ह्यातील चाकूर तालुक्यातील बालाघाट डोंगर रांगांच्या खुशीत वसलेलं सहा हजार लोकसंख्येच हाळी खुर्द हे छोटंसं गावं आहे विविध जाती धर्मियांच्या वेगवेगळ्या स्मशानभूमी आहे.

गावातील सार्वजनिक दहन भूमीला साधारण दहा एकर डोंगराळ आणि पाषाणाची जागा आहे. त्यात तीन दहन शेड, मात्र अंत्यविधीला आलेल्या नागरिकांसाठी एकही निवारा शेड नाही. एवढेच नव्हे तर आजूबाजूला सावलीत थांबण्यासाठी एकही झाड नाही. अशा ओसाड स्मशानभूमीला स्वर्ग भूमी करण्याचा निर्धार नेहरू युवा मंडळ, ग्रामपंचायत, एकल महिला संघटन व बचत गटाच्या महिलांनी केला.

Edited By : Krushnarav Sathe