लातूर : लातूर शहरातील होळकरनगर येथील रहिवासी असलेल्या एका पिठाच्या गिरणीचालक असलेल्या महिलेचा गिरणीच्या पट्ट्यात ओढणी अडकून जागीच मृत्यू झाल्याची घटना घडली आहे. अश्विनी बालाजी ढोपरे असे महिलेचे मृत महिलेचे नाव आहे. (Latest Marathi News)

लातूर शहरात वास्‍तव्‍यास असलेल्‍या अश्विनी ढोपरे या एमआईटी मेडिकल कॉलेजमध्ये नर्स या पदावर काम करत होती. आपली ड्युटी सांभाळून त्‍या घरी घरगुती पिठाची गिरणी चालवत होत्या. हा त्‍यांचा रोजचा नित्‍यनियम होता. घराचे दळण दळण्यासोबतच त्‍या बाहेरचे देखील दळण काढण्याचे काम करत होते. परंतु, याच प्रकारात त्‍यांचा दुर्देवी मृत्‍यू झाला.

ओढणी अडकताच ओढल्‍या गेल्‍या

धान्याचे दळण दळत असताना अचानक गिरणीच्या पट्यात त्‍यांची ओढणी अडकली. यात त्‍या ओढल्‍या गेल्‍या. पट्ट्यात ओढणी अडकल्‍याने महिलेचा जागीच मृत्यू झाला आहे. याबाबत एमआयडीसी पोलीस स्टेशनमध्ये आकास्मित मृत्यूची नोंद करण्यात आली आहे.