संदीप भोसले 

लातूर : लातूरच्या देवणी पोलिसांनी रात्रीच्या सुमारास मोठी कारवाई करत जुगार खेळणाऱ्या ५० जणांना ताब्यात घेतले आहे. तसेच त्यांच्याकडून तब्बल २ कोटी १३ लाख ७५ हजार रुपयांचा मुद्देमाल जप्त करण्यात आला आहे. पोलिसांच्या या कारवाईमुळे खळबळ उडाली आहे. 

लातूरच्या (Latur) देवणी पोलीस ठाणे हद्दीत अनधिकृत तिरट जुगार खेळविला जात असल्याची माहिती पोलिसांना मिळाली होती. पोलिसांना मिळालेल्या गुप्त माहितीच्या आधारे पोलिसांनी मध्यरात्री धाड टाकत कारवाई केली आहे. यावेळी जुगार अड्ड्यावर अनेकांचे घोडके जुगार खेळत असल्याचे पोलिसांच्या निदर्शनास आले. (Police) पोलिसांनी धाड टाकल्यानंतर काहींनी पळून जाण्याचा प्रयत्न केला. मात्र यात त्यांना यश मिळाले नाही. 

पोलिसांनी केलेल्या या कारवाईत अवैधरीत्या जुगार खेळणाऱ्या राज्यातील आणि परराज्यातील अशा ५० जणांना ताब्यात घेतले आहे. तसेच त्यांच्यावर विविध कलमान्वये गुन्हा दाखल केला आहे. तर या कारवाईत तब्बल २ कोटी १३ लाख ७५ रुपयाचा मुद्देमाला पोलिसांनी जप्त केला आहे. या प्रकरणी पोलिसांकडून अधिक तपास केला जात आहे.