लातूर : डिमांड नोट भरून देखील कृषीपंपाला कनेक्शन मिळत नाही. यामुळे संतापलेल्या निलंगा, औसा आणि शिरूर अनंतपाळ तालुक्यातल्या शेतकऱ्यांनी लातूर (Latur) जिल्ह्यातील निलंगा येथील महावितरण कार्यालयावर धडक मोर्चा काढला. (Breaking Marathi News)

कृषीपंपासाठी वीज हवी असल्‍याने शेतकऱ्यांनी डिमांडनोट भरून दिली. परंतु, डिमांडनोट भरले म्हणजे केवळ साखरपुडा झाला आहे. ज्यावेळी वीज कनेक्शन मिळेल; तेव्हा तुमचे लग्न होईल असे वक्तव्य निलंगाचे उपअभियंता शैलेश पाटील यांनी शेतकऱ्यांसमोर (Farmer) केले होते.

उपअभियंत्‍याच्‍या वक्‍तव्‍याचा निषेध

उपअभियंत्‍याने केलेल्‍या वक्तव्याचा निषेध करीत शेतकरी मोठ्या संख्येने घोड्यावर नवरदेवासारखे सजून वाजत गाजत महावितरण कार्यालयावर धडक मोर्चा घेवून आले. निलंगा तालुक्यातील जाऊ येथील शेतकरी संतोष हिरास हे घोड्यावर बसून नवरदेवासारखे हे बँडबाजा घेऊन महावितरण (Mahavitaran) कार्यलयात पोहचले. तातडीने कृषी पंपाला कनेक्शन द्या अशी या शेतकऱ्यांची मागणी आहे.