दीपक क्षीरसागर, लातूर

Latur News : लातूरमध्ये धक्कादायक घटना उघडकीस आली आहे. लातूर जिल्हा पोलीस दलात कार्यरत असलेल्या पोलीस शिपायानं घरात गळफास घेऊन आत्महत्या केल्याची घटना घडली. या घटनेची नोंद विवेकानंद पोलीस ठाण्यात करण्यात आली आहे.

लातूर (Latur) येथील एका पोलीस (Police) कर्मचाऱ्याने घरी गळफास घेऊन आयुष्य संपवल्याची घटना उघडकीस आली आहे. घरातून दुर्गंधी येऊ लागल्याने चार दिवसांनंतर हा प्रकार उघडकीस आला. तानाजी लहू करमाळे (वय ३६) असे पोलीस शिपायाचे नाव आहे. याबाबत विवेकानंद चौक पोलीस ठाण्यात (Police Station) नोंद करण्यात आली आहे.

लातुरातील सिद्धार्थ सोसायटीत पोलीस शिपाई तानाजी करमाळे राहत होते. लातूर जिल्हा पोलीस (Latur Police) दलात शिपाई म्हणून ते कार्यरत होते. त्यांनी घरात आत्महत्या केली. त्यांच्या घरातून दुर्गंधी येत होती. त्यामुळे घराचे दार तोडून बघितले असता आतील दृश्य बघून सगळेच हादरले.

तानाजी करमाळे हे मृतावस्थेत आढळून आले. त्यांनी गळफास घेऊन आत्महत्या केली असावी, असा प्राथमिक अंदाज पोलिसांनी व्यक्त केला. याबाबत अधिक तपास करण्यात येत आहे.