संदीप भोसले, लातूर

Latur Kingaon Minor Girl Physically Assault लातूरमध्ये एका अल्पवयीन मुलीवर विनयभंग केल्याचा संतापजनक प्रकार समोर आला आहे. याप्रकरणी मुलीच्या पालकांनी आरोपी विरोधात तक्रार दाखल केली असून पोलिसांनी नराधम तरुणाच्या मुसक्या आवळल्या आहेत. तसेच त्याच्यावर पोक्सो अंतर्गत गुन्हा दाखल केला आहे. दरम्यान या घटनेने पालकांमध्ये संतापाचे वातावरण निर्माण झाले असून पुन्हा एकदा मुलींच्या सुरक्षिततेवर प्रश्न निर्माण झाला आहे.

मिळालेल्या माहितीनुसार, सदर घटना मंगळवारी ३ मार्च रोजी घडली. लातूरच्या किनगाव पोलीस ठाणे हद्दीत एका तरुणाने अल्पवयीन मुलीला धमकावले आणि तिला ओढत जनावरांच्या गोठ्यात नेले. आरोपी तरुणाने तिला वाईट हेतूने तिथे नेले.

तिला मांडीवर बसवून तिच्याशी अश्लील चाळे केले. आरोपीने पीडितेशी अश्लील चाळे करून तिचा विनयभंग केला, तसेच तिला जीवे मारण्याची भीती दाखवून चुकीची कृत्ये करण्याचा प्रयत्न केला. या संतापजनक घटनेनंतर पीडितेने कुटुंबियांना घडलेल्या घटनेची माहिती दिली.

त्यानंतर पीडितेच्या आईने किनगाव पोलीस ठाणे गाठून फिर्याद दिली. पोलिसांनी या तक्रारीची गंभीर दखल घेत आरोपीविरुद्ध भारतीय न्याय संहिता कलम ७४ आणि पोक्सो कायदा २०१२ च्या कलम ८ अन्वये गुन्हा रजिस्टर क्रमांक ५१/२०२६ नुसार गुन्हा दाखल केला असुन आरोपीला अटक करण्यात आली आहे.