संदीप भोसले, साम टीव्ही प्रतिनिधी

लातूर : राज्यात ड्रंक अँड ड्राइव्हच्या घटनेत दिवसेंदिवस वाढ होत आहे. मुंबई, पुण्यानंतर आता लातूरमध्ये मद्यधुंद वाहन चालकाने १० ते १२ जणांना उडवल्याची घटना घडली आहे. लातूरच्या कन्हरी चौकात सोमवारी रात्री उशिरा ही अपघाताची घटना घडली आहे. या भीषण अपघातात एक जण जागीच ठार झाला आहे. या घटनेने सर्वत्र एकच खळबळ उडाली आहे.

मिळालेल्या माहितीनुसार, लातूरमध्ये भीषण अपघाताची घटना घडली. लातूरमध्ये मद्यधुंद अवस्थेत वाहन चालवून चालकाने १० ते १२ जणांना उडवलं आहे. या भीषण अपघातात एका तरुणाचा जागीच मृत्यू झाला आहे. जालिंदर मुळे या तरुणाचा मृत्यू झाला आहे.

भाजीपाला आणण्यासाठी गेलेल्या जालिंदर मुळे या तरुणाचा जागीच मृत्यू झाला आहे. तर नागरिकांनी जेसीबी चालकाला पोलिसांच्या हवाली केलं आहे. या मद्यधुंद वाहनचालकाचा व्हिडिओ सोशल मीडियावर व्हायरल होत आहे.

व्हिडिओमध्ये काय दिसत आहे?

लातूरच्या कन्हरी चौकात मद्यधुंद चालक जेसीबी चालवत आहे. मद्यधुंद अवस्थेत असलेला चालक बेदरकारपणे जेसीबी चालवताना दिसत आहे. मद्यधुंद अवस्थेत असलेल्या जेसीबी चालकाने रस्त्यावर दिसणाऱ्या पादचाऱ्यांना उडवण्याचं काम केलं. या जेसीबी चालकाने तब्बल १० ते १२ जणांना उडवलं.

या चालकाच्या कृत्याने एकाचा जागीच मृत्यू झाला आहे. रस्त्यावर वेगाने जेसीबी चालवताना इतर वाहन चालकाला थांबण्यास सांगत आहे. मात्र, इतर वाहन चालकांचं न ऐकता जेसीबी चालक वेगाने गाडी चालवत आहे. जेसीबी चालकामुळे रस्त्यावर एकच खळबळ उडाली.