नाशिक : थंडीपासून बचाव करण्यासाठी पेटवलेल्या शेकोटीमुळे एका महिलेचा मृत्यू झाल्याची धक्कादायक घटना घडली आहे. देशासह महाराष्ट्रातही कडक थंडीची लाट पसरली असून या थंडीने संपूर्ण राज्य गारठून गेल्याचं दिसत आहे. शिवाय या दिवसांमध्ये प्रत्येक जण आपआपल्या परीने थंडीपासून (Cold) रक्षण करण्याचा प्रयत्न करत असतो. मग गावाकडे कोणी शेकोटी पेटवतात तर कोणी गाड्यांचे टायर पेटवून त्याला शेकत बसतात. मात्र थंडीपासून बचाव करण्यासाठी पेटवलेल्या शेकोटीमुळे एका महिलेचा मृत्यू झाल्याची घटना समोर आली आहे.

सदरची घटना नाशिकमधील (Nashik) असल्याचं समजत आहे. मिळालेल्या माहितीनुसार, गोदाकाठाला असणाऱ्या वाघाडी परिसरामध्ये एका महिलेचा जळालेल्या अवस्थेत मृतदेह आढळून आला आहे. तर या महिलेच्या मृतदेहा शेजारी शेकोटी असल्याने तिचा मृत्यू शेकोटीमुळे होरपळून झाला असावा असा प्राथमिक अंदाज वर्तवण्यात येत आहे.

हे देखील पहा -

मात्र, या बातमीला प्रशासनाकडून अधिकृत दुजोरा मिळालेला नाही. जसंच मृत्यू झालेली महिला कोण आहे. तिचं नाव काय याबाबत अद्याप माहिती मिळाली नाही. मात्र शेकोटीमुळे महिलेचा मृत्यू झाल्याच्या चर्चेने मात्र तेथइल नागरिकांमध्ये एकच खळबख उडाली आहे.

Edited