लाडकी बहीण योजनेअंतर्गत महिलांना केवायसी करण्यास सांगितले आहे. लाडकी बहीण योजनेत आतापर्यंत कोट्यवधी महिलांनी लाभ घेतला आहे. त्यातील लाखो महिलांचे अर्ज बाद करण्यात आले आहेत. त्यांच्या अर्जांची पुन्हा पडताळणी केली जात आहे. दरम्यान, अनेक महिलांना गेल्या काही महिन्यांपासून योजनेचा व्यवस्थित लाभ मिळत नाहीये. त्यामुळे सततच्या कटकटीला कंटाळून महिलांनी आता संजय गांधी निराधार योजनेसाठी अर्ज केला आहे.

लाडकी बहीण योजनेत महिला फक्त एकाच योजनेचा लाभ घेभ शकतात. लाडकी बहीण योजना किंवा संजय गांधी निराधार योजना यापैकी एकाच योजनेचा लाभ घेऊ शकतात. दरम्यान, अनेक महिलांनी संजय गांदी निराधार योजनेतून नाव काढून लाडकी बहीण योजनेचा लाभ घेतला होता. त्यानंतर आता पडताळणी, केवायसी या सर्व प्रोसेसला कंटाळून त्यांनी पुन्हा संजय गांधी निराधार योजनेसाठी लाभ घेतला आहे.

लाडकी बहीण योजनेत अनेक महिलांनी निकषांबाहेर जाऊन योजनेचा लाभ घेतला आहे. अनेक महिला वयोमर्यादेत बसत नाहीत तर अनेक कुटुंबात दोनपेक्षा जास्त महिलांनी योजनेचा लाभ घेतला आहेत. यामुळे ४० लाखांपेक्षा जास्त महिला अपात्र ठरल्या आहेत.

लाडकी बहीण योजनेत महिलांना मागील काही महिन्यांपासून योजनेचा नियमित लाभ मिळत नाहीये. अनेक महिन्यांपासून योजनेचा लाभ पुढे ढकलला जात आहे.त्यामुळे महिला कंटाळल्या आहेत. त्यामुळे त्यांनी पुन्हा संजय गांधी निराधार योजनेसाठी पुन्हा अर्ज करत आहेत.

ई-केवायसीसाठी दोन महिन्यांची मुदत (Ladki Bahin Yojana E KYC Deadline)

लाडकी बहीण योजनेच्या ई केवायसीसाठी दोन महिन्यांची मुदत देण्यात आली आहे. महिलांना दोन महिन्यात केवायसी करणे अनिवार्य केले आहे. दरम्यान, जर तुम्ही केवायसी केले नाही तर तुम्हाला योजनेचा लाभ मिळणार नाही.