मुंबई : निकषांची पडताळणी सुरु झाल्याने लाडक्या बहिणींचा फेब्रुवारीचा हप्ता रखडलेला आहे. मात्र आता महिला दिनाचं औचित्य साधून तथा स्पेशल गिफ्ट म्हणून महिला दिनाच्या पूर्वसंध्येलाच फेब्रुवारी आणि मार्च अशा दोन महिन्यांचा हफ्ता एकत्र यायला सुरवात झाली आहे. जानेवारी आणि फेब्रुवारी महिन्यात निकषांची कडक तपासणी करण्यात आली आणि त्यामुळे किती महिला आतापर्यंत अपात्र ठरल्या आणि अजून किती अपात्र ठरू शकतात पाहुयात.

50 लाख लाडक्या अपात्र?

दोन महिन्यात 9 लाख लाभार्थींची संख्या कमी

जानेवारीत 5 लाख महिला अपात्र

फेब्रुवारीत 4 लाख महिला अपात्र

भविष्यात 50 लाख महिला अपात्र ठरण्याची शक्यता

त्यामुळे दरमहा 135 कोटी रुपये वाचणार

वर्षाला 1620 कोटी रुपये वाचणार

काही महिलांच्या नावात त्रुटी असल्याने अंगणवाडी सेविका त्या नावांची पडताळणी आता घरोघरी जाऊन करणार आहेत. त्यामुळे आणखी काही लाडक्या अपात्र ठरण्याची शक्यता आहे. दोन महिन्यांच्या एकत्रित 3000 हजारांचा हफ्ता तर लाडक्यांना मिळायला सुरवात तर झालीयं मात्र 1500 चे 2100 कधी होणार याची उत्सुकताही लाडकींना आहे.