मालवणमधील नगरपरिषदेच्या निवडणुकीत पैसे वाटपावरून निलेश राणेंनी भाजपला लक्ष्य केलं...दुसरीकडे मंत्री नितेश राणेंनी या वादात उडी घेतली आणि कोकणात राणे बंधूंमध्ये संघर्ष सुरू झाला..आणि या दोन बंधूच्या संघर्षात एकनाथ शिंदें निलेश राणेंच्या बाजूने ठाम उभे राहिले. विरोधकांवर मात करण्यासाठी निलेश राणेंच्या पाठिंशी सदैव उभं असल्याचं शिंदेंनी भरसभेत जाहीर करून टाकलं. तर दुसरीकडे फडणवीसांनी मात्र यावर नाराजी व्यक्त केलीय...

सिंधुदुर्ग जिल्ह्यातल्या राणे बंधूमधील या संघर्षाला असलेली दुसरी बाजू म्हणजे भाजप विरुद्ध शिंदेसेना..... भाजपला मत देणं म्हणजे विरोधकांना मत देण्यासारखं आहे असं विधान केसरकारांनी केलयं...तर केसरकरांच्या आरोपांवर शेलारांनी प्रत्युत्तर दिलंय...

कोकणात शिंदेसेना विरुद्ध भाजप असा संघर्ष निलेश राणेंच्या आरोपानंतर आता आणखीच वाढलीय.. त्यात पक्षाच्या वर्चस्वावादाच्या लढाईत राणे कुटुंबातही वादची ठिणगी पडलीय.. मात्र भरसभेतून शिंदेंचं निलेश राणेंना बळ देणं आणि फडणवीसाची आत्मचिंतनाची भाषा महायुतीत सारं काही आलबेल नसल्याचेच संकेत देतेय...त्यामुळे स्थानिक स्वराज्य संस्थांच्या निवडणुकीनंतर तरी महायुतीतील हा वाद शमणार की आणखी विकोपाला जाणार.. हे पाहणं महत्त्वाचं आहे.