खरातमध्ये विकृतीची कुंडलीच त्याच्या गावकऱ्यांनी साम टीव्हीसमोर मांडलीय.. कोंबडीचोर असलेल्या खरातचा कॅप्टन खरात कसा झाला? पाहूयात यावरचा हा स्पेशल रिपोर्ट..

ढोंगी..... वासनांध आणि विकृत आणि पाखंडी खरातचे रोज नवे नवे कारनामे समोर येत आहेत....तंत्र मंत्रांच्या नावानं महिलांचं शोषण करणारा खरातचे लहानपणीचे उद्योगही आता उघड झाले आहेत. लहानपणी खरात कोंबड्या चोरत असल्याचा दावा त्याच्या गाववाल्यांनी केलाय. त्याच्या कहांडळवाडीतल्या गावकऱ्यांनी खरातच्या काळ्या कारनाम्यांची कुंडलीच उघड केलीय.

होय...लहानपणी चोऱ्या करणारा.... मुलींची छेड काढणारा... आणि त्यानंतर दहावीला नापास झालेला झालेला हाच तो भोंदू खरात... या उद्योगांमुळे पोलिस पकडून नेतील या भीतीनं खरात दहावीनंतर गावातून पळून गेला...गाव सोडल्यानंतर पुढे हाच खरात मर्चंट नेव्हीत गेला... मर्चंट नेव्हीतून 2006 मध्ये निवृत्त झाल्यानंतर याच भोंदूने अंकगणिततज्ज्ञ असल्याचा दावा करत लोकांना गंडा घालायला सुरूवात केली. ईशान्येश्वर मंदिर उभारुन लोकांचा विश्वास जिंकला... पुढे राजकीय नेते... उद्योगपती... प्रशासकीय अधिकाऱ्यांना हाताशी धरुन याच खरातनं आपलं हजारो कोटींचं साम्राज्य उभं केलं... आणि स्वतःची कॅप्टन खरात अशी ओळख निर्माण केली...त्यानं जादूटोणा...काळीजादू करत महिलांना आपल्या जाळ्यात ओढलं... आणि सुरु झाला महिलांवरच्या अत्याचाराचा विकृत धंदा.....

खरातनं आमच्या गावाचं नाव खराब केलं.. त्यामुळे भोंदू खरातला फाशी देण्याची मागणी गावकऱ्यांनी केलीय..

कोंबडीचोर... मुलींची छेड काढणारा आणि आता तंत्रमंत्राच्या नावाखाली महिलांना जाळ्यात ओढून अत्याचार करणारा भोंदू खरात लहानपणापासूनच चोऱ्या चपाट्यांचा विकृत शोक होता... आता त्याच पाच दशकांच्या विकृतीचा पर्दाफाश झालाय.त्यामुळे खरातच्या विकृतीला कायमचं ठेचण्याची गरज आहे...

सचिन बनसोडे साम टीव्ही न्यूज, नाशिक