- रणजीत माजगावकर

Chandrashekhar Bawankule Audio Clip Viral : पत्रकारांना चहा द्या, त्यांना ढाब्यावर न्या... असे वक्तव्य करणा-या भारतीय जनता पार्टीचे प्रदेशाध्यक्ष चंद्रशेखर बावनकुळे यांचा आज कोल्हापुरात कोल्हापूर प्रेस क्लबच्या (kolhapur press club) वतीने निषेध करण्यात आला. (Maharashtra News)

भाजपचे प्रदेशाध्यक्ष चंद्रशेखर बावनकुळे यांनी विरोधात बातम्या न देण्यासाठी पत्रकारांना ढाब्यावर न्या.. असा सल्ला एका बैठकीत कार्यकर्ते, पदाधिका-यांना दिला. त्याची कथित ऑडिओ क्लिप सध्या व्हायरल होत आहे.

बावनकुळे यांच्या वक्तव्यानंतर खासदार सुप्रिया सुळेंनी तीव्र शब्दांत टीका केली. सुळे म्हणतात भाजपाने एकतर उघडपणे त्यांना लोकशाही व्यवस्था मान्य नाही हे सांगावे अन्यथा अशी बेजबाबदार विधाने केल्याबद्दल पत्रकारांची आणि जनतेची माफी मागावी‌.

दरम्यान चंद्रशेखर बावनकुळे यांच्या वक्तव्याचा काेल्हापूर प्रेस क्लबने निषेध नाेंदविला. प्रेस क्लबच्या पदाधिका-यांनी व सदस्यांनी पुढच्या आठवड्यात बावनकुळेंचा कोल्हापूर दौरा आहे. यावेळी त्यांना कोल्हापुरी पायताण देऊन निषेध नोंदवण्यात येईल असे स्पष्ट केले.

Edited By : Siddharth Latkar