रणजित माजगांवकर

कोल्हापूर : हातकलंगले तालुक्यातील जुने पारगाव येथील दोन मित्रांनी एकाच वेळी एकाच झाडाला गळफास (Kolhapur News) लावून घेऊन आत्महत्या केली. ही घटना आज दुपारी दोन वाजण्याच्या सुमारास घडली. आत्महत्येचं कारण अद्याप समजू शकले नसून याबाबत वडगाव पोलीस अधिक तपास करत आहेत. (Tajya Batmya)

कोल्‍हापूरमधील हातकलंगले तालुक्यातील जुने पारगाव येथील बिरदेव वसाहतीमधील दोन मित्र विनायक शिवाजी पाटील (वय ४०) व त्याचा मित्र बाबासो हिंदुराव मोरे (वय ४५) यांनी आज एकाचवेळी एकाच झाडाला गळफास लावून घेऊन आत्महत्या केली. हि घटना आज दुपारी दोन ते अडीच वाजन्या च्या सुमारास घडली. नवे पारगाव येथील तात्यासाहेब कोरे सैनिक शाळेच्या पाठीमागील झाडीमध्ये हा प्रकार घडला. विनायक पाटीलचा ट्रक व्यवसाय आहे. तर बाबासो मोरे हे शेतकरी आहेत. विनायक पाटीलच्‍या पाठीमागे आई, भाऊ, पत्नी आणि एक मुलगा व मुलगी असा परिवार आहे., तर बाबासो मोरे याच्‍या पाठीमागे आई– वडील, पत्नी, एक मुलगा आणि मुलगी असा परिवार आहे.

दुचाकीवर सोबत गेले अन्‌

दोघेही जुने पारगाव येथील बिरदेव वसाहतीमध्ये रहात होते. दोघे ही चांगले मित्र होते. आज सकाळपासून ते दोघे एकत्रच फिरत होते. दुपारच्या वेळेस या दोघांनी मोटर सायकलवरून सैनिक शाळेच्या मागील झाडीत जाऊन एकाच झाडाला दोरीने गळफास लावून घेऊन आत्महत्या केली. ही घटना गावात समजल्‍यानंतर स्थानिकांनी घटनास्थळी गर्दी केली.