King Cobra Snake In School:  साप म्हटलं अनेकांना धडकी भरते. सापाचं नुसतं नाव ऐकलं तरी अनेकांच्या अंगावर काटा उभा राहतो. त्यात तो साप जर जगातला सर्वात विषारी साप, म्हणजे किंग कोब्रा असेल कर मग विचारायलाच नको. जालना जिल्ह्यातल्या एका जिल्हा परिषदेच्या शाळेत असाच विषारी कोब्रा साप आढळला आणि सर्वांचाच थरकाप उडाला. (Jalna Latest News)

जालना जिल्ह्यात (Jalna) एका शाळेत हा थरकाप उडवणारा प्रकार घडला आहे. दिवाळीच्या सुट्ट्यानंतर शाळा पुन्हा सुरु झाल्या आहेत. शाळेच्या पहिल्याच दिवशी जालन्यातील नळविहीरा गावातील जिल्हा परिषद शाळेच्या एका वर्गखोलीत कोब्रा (King Cobra Snake) हा विषारी साप आढळून आल्यानं खळबळ उडाली. वर्गखोलीतील फरशीच्या मोकळ्या जागेत हा साप फणा काढून बसलेला होता.

वर्गखोलीत साप आढळून येताच शिक्षकांनी सावध पवित्रा घेत सर्पमित्राला बोलावलं. काही वेळेतच सर्पमित्राने या सापाला वर्गखोलीच्या बाहेरील मोकळ्या जागेत आणून एका बरणीत बंद केलं. नंतर सापाला त्याला जंगलात सोडलं आणि शिक्षकांसह विद्यार्थ्यांनी सुटकेचा निःश्वास सोडला.

पाहा थरारक व्हिडिओ -

नागराज किंवा किंग कोब्रा हा भारतातील पुर्व आणि दक्षिण भागात आढळणारा दुर्मिळ साप आहे. हा नावाप्रमाणेच नागराज आहे. विषारी सापांमध्ये लांबीला सर्वाधिक आणि विषाच्या प्रभावात नागापेक्षा कमी परंतु मात्रा मोठी असल्याने फार धोकादायक. याच्या विषाने माणूस अर्ध्या तासाच्या आत मरू शकतो. याचा फणा नागांपेक्षा छोटा असतो आणि डिवचला गेला असता तो ३ ते ४ फूट उंच फणा उभारतो.

Edited By - Akshay Baisane